“ ANUEK MIET JAK BUET “

    Oleh : SULAIMAN.A.GANI

===================================

Alhamdulillah, Ilahon ibat

Pujoe Hadharat, yang po alamnyoe

Yang bri raseuki, keu bandum umat

Bandum lat batat, di dalam bumoe

Seulawuet saleum, Oh lhuehnyan meuhat

Nabi Muhammad, Rasul geutanyoe

Untuk keluarga, serta  sahabat

Yang bri Syafaat, oh uroe  dudoe

Lhuehnyan saleum loen, keu wareh sahbat

Bandum loen intat, Agam ngoen binoe

Saboeh Mustika, uloen riwayat

Untuk peu ingat, bandum geutanyoe

Beugoet neujaga, si anuek jasad

Bak  buet neu intat, neyue meurunoe

Supaya Muphoem, hukoem hadharat

Bek juet sangkilat, oh rayoek  dudoe

Bukoen that sayang, sibungoeng riwat
Ka habéh pucat , ka keunoeng uroe
Aneuk miet jak beuet , jinoe  kureueng that
Timungoen  barat ,ka lale keudro

Bukon that sayang , karoeng brueh leukat
Kabeh geulipat,  meutan le asoe
Jinoe takaloen , rata  juet teumpat
Laloe  hareukat,  ngoen cula caloe

Bukon that sayang,  siputik langsat
Ka keunong kilat, ka  laye keudroe
Hareutajih  le , hana  beureukat
Karna   ibadat,  hana  soe   pakoe

Ureueng yang sakét , geumita ubat
Ureueng  yang sehat , kalale  keudroe
bak Ureueng sulét , mit nayang  teupat
Ka  meunan adat , didalam nanggroe

Meu keuniet manoe , ladoen han  teupat
Pue loem m'arifat , ka tajak  muproe
Meunan keu macam,  jinoe dum rakyat
Timungoen  barat, ka  jeut juet nanggroë

 
Oh musem timu , tajak meupukat
Oh Musem barat,  jak bloe-publoe
Ingat hai rakan, ka  deungoen sahbat
tajak 'ibadat,  bèk that le laloë

Bak ta eu dali, timu ngoen barat

Sang sang katoe that, geulungkoep bumoe

Tanda kiamat, lage geusurat

Sang kabeh leungkap, takaloen jinoe

Meumada ohnoe, uloen riwayat

Untuk peu ingat, bandum geutanyoe

Taubat Nasuha, jinoe beuleugat

Pangkai akhirat, oh wate tawoe

( Tgk diyueb Bruek, 23 Oktober 2013)