=================================
Musa mohon ,ubak Tuhan
Suroet yoh nyan, deungoen sigra
Thoe ngoen gampoeng, laju rijang
Dum tanaman, hudep rata
Teuka makmu , thoen nyan leugat
Deungoen beureukat, doa Musa
Musa neukheun, ubak kawoem
Tadeungoe loen, bandum gata
Tameu iman, akan Tuhan
Seubut rijang, kalimat mulia
LA ILAHA ILLALLAH MUSA KALIMULLAH
WA RASULUHU WA NABIUHU
Yoeh nyan seuot,kaum kafe
Jimeu ungki , deungoen Musa
Nibak thoen nyoe, dumpeue mudah
Han le susah , kamoe dum na
Bandum yoeh nyan , jimeu ungki
Loem Tuhan bri , teuka bala
Bala daruet, teuka keunan
Jikab tanaman , rakyat dum na
Dum boeh kayee , habeh jikab
Daruet le that , keunan teuka
Habeh mate , dum tanaman
Rakyat yoeh nyan , susah raya
Kheun Firaun , deungoen kawoem
Jibri maklum , ubak Musa
Meunyoe gadoeh , bala daruet
Kamoe ikot , ban kheun gata
Mumeu iman, akan Tuhan
Nyang peujeuet alam, dum sineuna
Meupateh kheun , gata sidroe
Han le kamoe, peugoet dakwa
Musa deungoe, haba meunan
Ubak Tuhan , mohon doa
Deungoen beureukat , doa Nabi
Masa nyan le , angen teuka
Teuka keunan , angen riboet
Ka jibapoet , daruet dum na
Hana tinggai , le meusaboeh
Habeh gadoeh, seumuanya
Sabda Musa , ubak Firaun
Seureuta dengoen , dum kawoemnya
Wahe raja , nyang sulotan
Tameu iman , jinoe gata
Seubut laju, nyoe kalimat
Deungoen ikheulaih, hate gata
LA ILAHA ILLALLAH MUSA KALIMULLAH
WA RASULUHU WA NABIUHU
Bak masa nyan, raja Firaun
Meunoe jikheun, si ceulaka
Bandum kamoe , ka na nikmat
Hana hajat, ikoet gata
Hana sapeue, le sukaran
Troeh bala nyan, sabab gata
Sabab ceulaka , gata sidroe
Nyang keunoe , teuka bala
Meunan jikheun , raja ‘asi
Jimeu ungki , deungoen Musa
Padum na treb , lheueh nibak nyan
Lom troeh keunan, teuka bala
Bala teuma, deungoen gutee
Peunoeh bajee , rakyat dum na
Han sapat bla, teuma gutee
Bak-bak ulee , peunoeh rata
Jikab tuboeh , dum na rakyat
Gutee le that, deungoen tuma
Saboeh jipoeh , nibak tuboeh ;
Meureutoeh-reutoeh , laen teuka
Sigala rakyat , sangat susah
Gadoeh ilah , ngoen bicara
Kheun Firaun , deungoen kawoem
Jiyue mohon , ubak musa
Wahe Musa, mohon rijang
Ubak Tuhan, beugadoeh bala
Beugadoeh tuma , deungon gutee
Talakee bak , Tuhan gata
Supaya kamoe , mumeu iman
Meuturoet ban , nyang kheun gata
Musa deungoe, haba meunan
Mohon rijang , bak Rabbana
'Oh lheueh Musa, neumeulakee
Gadoeh gutee, deungoen tuma
Nibak tuboeh , bandum rakyat
Deungoen siat, han meuhoka
Sabda Nabi , ubak Firaun
Seureuta deungoen, kawoem dum na
Neuyue meu iman, akan Tuhan
Jaweueb rijang , si ceulaka
Wahe Musa , deungoe kamoe
Troeh bala nyoe, sabab gata
Sihe gata , dum sinaroe
Nyang jeuet keunoe , teuka bala
Han cit jitem, bawa iman
Jipeugah nyan, sihee Musa
Padum uroe , lheueh nibak nyan
Tuhan peutroen , cangguek sira
Bala cangguek , Tuhan peutroen
Peunoeh gampong , dum sineuna
Nibak langet , keunan troeh dum
Tamse hujeuen, rhoet u donya
Jeueb-jeueb teumpat , peunoeh cangguek
Hana pat duek , rakyat dum na
Lam tika eh , lam tika duek
Peunoeh cangguek , han sapat bla
Jeueb-jeueb teumpat, rata rumoeh
Cangguek peunoeh, troeh u para
Saboeh mate, cangguek saboeh
Sireutoeh boeh, laen teuka
Lam-lam kanoet, bak makanan
Peunoeh sinan , cangguek sira
Sangat susah , bandum rakyat
Cangguek le that , han sapat bla
Yoehnyan jikheun, uleh rakyat
Bit susah that, hana tara
Dalam tangan, raja Firaun
Le that bangoen , teuka bala
'Oh gadoeh nyoe , laen loem troeh
Hana teudoeh , bala teuka
Raja Firaun , deungoen kawoem
Ka jijak loem, ubak Musa
Wahe Musa, .kamoe harap
Mohon leugat , uleh gata
Beugadoeh cangguek , sikalian
Mumeu iman , jinoe sigra
Meunan jikheun , raja laknat
Musa leugat, lakee doa
Deungoen beureukat , doa Nabi
Tuhan neubri , gadoeh bala
Gadoeh cangguek , sama sikali
Sabda Nabi , ubak raja
Wahe raja, tameu iman
Akan Tuhan, azza wajalla
Supaya gata , dum seulamat
Donya akhirat, lam sijahtra
Bak masa nyan, raja pindoe
Ka jiiem droe , jaweueb hana
Hana sapeue, jibri jaweueb
Han ji ikot , ban kheun Musa
Padum uroe , lheueh nibak nyan
Tuhan peutroen, bala raya
Tuhan peutroen , bala darah
Peunoeh limpah , ban keusumba
Di dalam krueng, di dalam mon
Darah bandum , han sapat bla
Dalam guci , dalam tayeuen
Hana peue kheun , peutroeh rata
Dalam kanoet , bak makanan
Darah sinan , han sapat bla
Jeueb-jeueb teumpat , peunoeh darah
Rakyat ka grah , dum sineuna
Hana Ie ie , bandum darah
Rakyat susah , hana nyang sa
Bak masa nyan , dum na kawoem
Bak Firaun , jijak sigra
Rakyat jikheun, bak Firaun
Deelat ampon, Po Meukuta
Dum na kamoe , susah han soe
Le that bagoe , azeueb teuka
Koen simacam , dua macam
Meuribee ban, bala teuka
Pakoen gâta, han ta iman
Akan Tuhan , nyang sibeuna
Bek le raja , teukaboe that
Ikoet leugat, ban kheun Musa
Dun nan taeu , dum mukjizat
Deuh talihat , deungoen nyata
Beudoeh raja , jinoe rijang
Tameu iman , deungon Musa
Tameu iman , jinoe bandum
Ban Musa kheun, tapeucaya
Teuma seuot, raja laknat
Ubak rakyat , ji peukhaba
Bit kataeu, dum bala nyan
Sikalian, sihe Musa
Deungoen sabab , Musa sidroe
Nyang keunoe , dum troeh bala
Meunan jikheun , raja laknat
Hana jitem cit, peucaya
Jipeugah nyan , ileumee sihe
Kreueh that hate, si ceulaka
Hingga gadoeh, dum bala nyan
Nabi mohon , bak Rabbana
Padum na treb , lheueh nibak nyan
Troen firman , Allah Taala
Wahe Musa, firman Rabbi
Rab troeh janji , Firaun raja
Deungoen kawoem , dum sinaroe
Umu lhee uroe, troeh keutika
Lhee uroe treuk , sampoe janji
Tapeureugi , jinoe gata
Tapeugah bak, Bani Isra-i
Rab troeh janji, siceulaka
Bak Firaun , talak rijang
Lakee pinjam , dum hareuta
Nabi deungoe, firman Tuhan
Beudoeh yoehnyan , nyang mulia
Neukrah kawoem , Bani Isra-i
Nyang ikoet , Nabiyullah Musa
Ureueng lakoe , Bani Isra-i
Nam ploeh kati , seumuanya
Laen aneuk, deungoen binoe
Ban sinaroe , han teukira
Bak masa nyan, sikalian
Geujak pinjam , bak kawoem raja
Bak sigala , kawoem Qubti
Geupinjam Ie, dum hareuta
Meuh ngoen pirak , dum geupinjam
Na nyang intan, ngoen mutia
Raja Firaun , bak masa nyan
Ubak Haman, yue bri sigra
Jiyue bri bak , meuntroe Haman
Jibri pinjam , dum hareuta
Meureutoeh peutoe , jibri pinjam
Pirak intan , meuh suasa
Akan sigala , Bani Isra-i
Kawoem Nabi, yullah Musa
Troeh loem keunan, tren Jibrail
Ubak Nabi , keunan teuka
Ban sare troeh, saleuem neubri
Seuot Nabi, laju sigra
Ya Nabiyullah, kheun Jibrail
Jinoe yue se , bak kawoem gata
Keubeue leumoe, dum tayue se
Kameng biri, kibah unta
Tayue me bak , kawoem Qubti
Keureuna janji , akan teuka
Malam nyan troen , Malaikat
Ubak teumpat, Qubti dumna
Jak tueng nyawoeng, aneuk Qubti
Hingga mate , dum sineuna
Musa deungoe, kheun Jibrail
Neupeugah le , bak kawoemnya
Bak masa nyan , Bani Isra-i
Mangat hate , hana tara
Jime kameng , leumo bubiri
Ubak Qubti , jime sigra.
Uroe pih ka , malam leugat
Malaikat troen , u donya
Neutueng nyawoeng , aneuk Qubti
Habeh mate , dum sineuna
Bak masa nyan , kawoem Qubti
Jieu mate, aneuk dum na
Hana meukoen, dum ka mate
Susah hate , hana nyang sa
Sangat susah , dum sinaroe
Dawoek jimoe , rho ie mata
Yoeh nyan kawoem , Bani Isra-i
Meuhimpoen le, u bak Musa
Hingga watee , teungoeh malam
Beudoeh Harun , deungoen Musa
Bak masa nyan , neubeurangkat
Deungoen rakyat , dum sineuna
Teubiet dalam, nanggroe Meuse
Hareuta kafe, bandum geuba
Hareuta Firaun, nyang geupinjam
Sikalian , habeh geuba
Nyang jak di keue , Nabi Harun
Kawoem bandum, nyan panglima
Keu panglima , Nabi Harun
Di teungoeh kawoem , neujak Musa
Umu lhee uroe , neubeurangkat
Hingga troeh rab, laot raya
Malam Jumat , phoen beurangkat
Uroe Ahad , troeh seumua
Ubak bineh, laot Khalzum
Bak ulee krueng, Nel nyang raya
Raja Firaun, tupeue leugat
Neubeurangkat , Nabi Musa
Deungoen seugala , Bani Isra-i
Jiyue kräh le, rakyat dum na
Bak masa nyan, jiyue peh gong
Su meuong-ong , that meutaga
Timu barat , leugat j itroen
Dum meuroen-roen , rakyat teuka
Tunoeng baroeh, habeh jitroen
Ka meuhimpoen, u bak raja
…Meusambong
Musa mohon ,ubak Tuhan
Suroet yoh nyan, deungoen sigra
Thoe ngoen gampoeng, laju rijang
Dum tanaman, hudep rata
Teuka makmu , thoen nyan leugat
Deungoen beureukat, doa Musa
Musa neukheun, ubak kawoem
Tadeungoe loen, bandum gata
Tameu iman, akan Tuhan
Seubut rijang, kalimat mulia
LA ILAHA ILLALLAH MUSA KALIMULLAH
WA RASULUHU WA NABIUHU
Yoeh nyan seuot,kaum kafe
Jimeu ungki , deungoen Musa
Nibak thoen nyoe, dumpeue mudah
Han le susah , kamoe dum na
Bandum yoeh nyan , jimeu ungki
Loem Tuhan bri , teuka bala
Bala daruet, teuka keunan
Jikab tanaman , rakyat dum na
Dum boeh kayee , habeh jikab
Daruet le that , keunan teuka
Habeh mate , dum tanaman
Rakyat yoeh nyan , susah raya
Kheun Firaun , deungoen kawoem
Jibri maklum , ubak Musa
Meunyoe gadoeh , bala daruet
Kamoe ikot , ban kheun gata
Mumeu iman, akan Tuhan
Nyang peujeuet alam, dum sineuna
Meupateh kheun , gata sidroe
Han le kamoe, peugoet dakwa
Musa deungoe, haba meunan
Ubak Tuhan , mohon doa
Deungoen beureukat , doa Nabi
Masa nyan le , angen teuka
Teuka keunan , angen riboet
Ka jibapoet , daruet dum na
Hana tinggai , le meusaboeh
Habeh gadoeh, seumuanya
Sabda Musa , ubak Firaun
Seureuta dengoen , dum kawoemnya
Wahe raja , nyang sulotan
Tameu iman , jinoe gata
Seubut laju, nyoe kalimat
Deungoen ikheulaih, hate gata
LA ILAHA ILLALLAH MUSA KALIMULLAH
WA RASULUHU WA NABIUHU
Bak masa nyan, raja Firaun
Meunoe jikheun, si ceulaka
Bandum kamoe , ka na nikmat
Hana hajat, ikoet gata
Hana sapeue, le sukaran
Troeh bala nyan, sabab gata
Sabab ceulaka , gata sidroe
Nyang keunoe , teuka bala
Meunan jikheun , raja ‘asi
Jimeu ungki , deungoen Musa
Padum na treb , lheueh nibak nyan
Lom troeh keunan, teuka bala
Bala teuma, deungoen gutee
Peunoeh bajee , rakyat dum na
Han sapat bla, teuma gutee
Bak-bak ulee , peunoeh rata
Jikab tuboeh , dum na rakyat
Gutee le that, deungoen tuma
Saboeh jipoeh , nibak tuboeh ;
Meureutoeh-reutoeh , laen teuka
Sigala rakyat , sangat susah
Gadoeh ilah , ngoen bicara
Kheun Firaun , deungoen kawoem
Jiyue mohon , ubak musa
Wahe Musa, mohon rijang
Ubak Tuhan, beugadoeh bala
Beugadoeh tuma , deungon gutee
Talakee bak , Tuhan gata
Supaya kamoe , mumeu iman
Meuturoet ban , nyang kheun gata
Musa deungoe, haba meunan
Mohon rijang , bak Rabbana
'Oh lheueh Musa, neumeulakee
Gadoeh gutee, deungoen tuma
Nibak tuboeh , bandum rakyat
Deungoen siat, han meuhoka
Sabda Nabi , ubak Firaun
Seureuta deungoen, kawoem dum na
Neuyue meu iman, akan Tuhan
Jaweueb rijang , si ceulaka
Wahe Musa , deungoe kamoe
Troeh bala nyoe, sabab gata
Sihe gata , dum sinaroe
Nyang jeuet keunoe , teuka bala
Han cit jitem, bawa iman
Jipeugah nyan, sihee Musa
Padum uroe , lheueh nibak nyan
Tuhan peutroen , cangguek sira
Bala cangguek , Tuhan peutroen
Peunoeh gampong , dum sineuna
Nibak langet , keunan troeh dum
Tamse hujeuen, rhoet u donya
Jeueb-jeueb teumpat , peunoeh cangguek
Hana pat duek , rakyat dum na
Lam tika eh , lam tika duek
Peunoeh cangguek , han sapat bla
Jeueb-jeueb teumpat, rata rumoeh
Cangguek peunoeh, troeh u para
Saboeh mate, cangguek saboeh
Sireutoeh boeh, laen teuka
Lam-lam kanoet, bak makanan
Peunoeh sinan , cangguek sira
Sangat susah , bandum rakyat
Cangguek le that , han sapat bla
Yoehnyan jikheun, uleh rakyat
Bit susah that, hana tara
Dalam tangan, raja Firaun
Le that bangoen , teuka bala
'Oh gadoeh nyoe , laen loem troeh
Hana teudoeh , bala teuka
Raja Firaun , deungoen kawoem
Ka jijak loem, ubak Musa
Wahe Musa, .kamoe harap
Mohon leugat , uleh gata
Beugadoeh cangguek , sikalian
Mumeu iman , jinoe sigra
Meunan jikheun , raja laknat
Musa leugat, lakee doa
Deungoen beureukat , doa Nabi
Tuhan neubri , gadoeh bala
Gadoeh cangguek , sama sikali
Sabda Nabi , ubak raja
Wahe raja, tameu iman
Akan Tuhan, azza wajalla
Supaya gata , dum seulamat
Donya akhirat, lam sijahtra
Bak masa nyan, raja pindoe
Ka jiiem droe , jaweueb hana
Hana sapeue, jibri jaweueb
Han ji ikot , ban kheun Musa
Padum uroe , lheueh nibak nyan
Tuhan peutroen, bala raya
Tuhan peutroen , bala darah
Peunoeh limpah , ban keusumba
Di dalam krueng, di dalam mon
Darah bandum , han sapat bla
Dalam guci , dalam tayeuen
Hana peue kheun , peutroeh rata
Dalam kanoet , bak makanan
Darah sinan , han sapat bla
Jeueb-jeueb teumpat , peunoeh darah
Rakyat ka grah , dum sineuna
Hana Ie ie , bandum darah
Rakyat susah , hana nyang sa
Bak masa nyan , dum na kawoem
Bak Firaun , jijak sigra
Rakyat jikheun, bak Firaun
Deelat ampon, Po Meukuta
Dum na kamoe , susah han soe
Le that bagoe , azeueb teuka
Koen simacam , dua macam
Meuribee ban, bala teuka
Pakoen gâta, han ta iman
Akan Tuhan , nyang sibeuna
Bek le raja , teukaboe that
Ikoet leugat, ban kheun Musa
Dun nan taeu , dum mukjizat
Deuh talihat , deungoen nyata
Beudoeh raja , jinoe rijang
Tameu iman , deungon Musa
Tameu iman , jinoe bandum
Ban Musa kheun, tapeucaya
Teuma seuot, raja laknat
Ubak rakyat , ji peukhaba
Bit kataeu, dum bala nyan
Sikalian, sihe Musa
Deungoen sabab , Musa sidroe
Nyang keunoe , dum troeh bala
Meunan jikheun , raja laknat
Hana jitem cit, peucaya
Jipeugah nyan , ileumee sihe
Kreueh that hate, si ceulaka
Hingga gadoeh, dum bala nyan
Nabi mohon , bak Rabbana
Padum na treb , lheueh nibak nyan
Troen firman , Allah Taala
Wahe Musa, firman Rabbi
Rab troeh janji , Firaun raja
Deungoen kawoem , dum sinaroe
Umu lhee uroe, troeh keutika
Lhee uroe treuk , sampoe janji
Tapeureugi , jinoe gata
Tapeugah bak, Bani Isra-i
Rab troeh janji, siceulaka
Bak Firaun , talak rijang
Lakee pinjam , dum hareuta
Nabi deungoe, firman Tuhan
Beudoeh yoehnyan , nyang mulia
Neukrah kawoem , Bani Isra-i
Nyang ikoet , Nabiyullah Musa
Ureueng lakoe , Bani Isra-i
Nam ploeh kati , seumuanya
Laen aneuk, deungoen binoe
Ban sinaroe , han teukira
Bak masa nyan, sikalian
Geujak pinjam , bak kawoem raja
Bak sigala , kawoem Qubti
Geupinjam Ie, dum hareuta
Meuh ngoen pirak , dum geupinjam
Na nyang intan, ngoen mutia
Raja Firaun , bak masa nyan
Ubak Haman, yue bri sigra
Jiyue bri bak , meuntroe Haman
Jibri pinjam , dum hareuta
Meureutoeh peutoe , jibri pinjam
Pirak intan , meuh suasa
Akan sigala , Bani Isra-i
Kawoem Nabi, yullah Musa
Troeh loem keunan, tren Jibrail
Ubak Nabi , keunan teuka
Ban sare troeh, saleuem neubri
Seuot Nabi, laju sigra
Ya Nabiyullah, kheun Jibrail
Jinoe yue se , bak kawoem gata
Keubeue leumoe, dum tayue se
Kameng biri, kibah unta
Tayue me bak , kawoem Qubti
Keureuna janji , akan teuka
Malam nyan troen , Malaikat
Ubak teumpat, Qubti dumna
Jak tueng nyawoeng, aneuk Qubti
Hingga mate , dum sineuna
Musa deungoe, kheun Jibrail
Neupeugah le , bak kawoemnya
Bak masa nyan , Bani Isra-i
Mangat hate , hana tara
Jime kameng , leumo bubiri
Ubak Qubti , jime sigra.
Uroe pih ka , malam leugat
Malaikat troen , u donya
Neutueng nyawoeng , aneuk Qubti
Habeh mate , dum sineuna
Bak masa nyan , kawoem Qubti
Jieu mate, aneuk dum na
Hana meukoen, dum ka mate
Susah hate , hana nyang sa
Sangat susah , dum sinaroe
Dawoek jimoe , rho ie mata
Yoeh nyan kawoem , Bani Isra-i
Meuhimpoen le, u bak Musa
Hingga watee , teungoeh malam
Beudoeh Harun , deungoen Musa
Bak masa nyan , neubeurangkat
Deungoen rakyat , dum sineuna
Teubiet dalam, nanggroe Meuse
Hareuta kafe, bandum geuba
Hareuta Firaun, nyang geupinjam
Sikalian , habeh geuba
Nyang jak di keue , Nabi Harun
Kawoem bandum, nyan panglima
Keu panglima , Nabi Harun
Di teungoeh kawoem , neujak Musa
Umu lhee uroe , neubeurangkat
Hingga troeh rab, laot raya
Malam Jumat , phoen beurangkat
Uroe Ahad , troeh seumua
Ubak bineh, laot Khalzum
Bak ulee krueng, Nel nyang raya
Raja Firaun, tupeue leugat
Neubeurangkat , Nabi Musa
Deungoen seugala , Bani Isra-i
Jiyue kräh le, rakyat dum na
Bak masa nyan, jiyue peh gong
Su meuong-ong , that meutaga
Timu barat , leugat j itroen
Dum meuroen-roen , rakyat teuka
Tunoeng baroeh, habeh jitroen
Ka meuhimpoen, u bak raja
…Meusambong
0 komentar:
Posting Komentar