PROSESI SEUMAPA ( BERBALAS PANTON ) DAN PELAKSANAANNYA

SEUMAPA ( BERBALAS PANTON )*
Oleh Drs M.Ali Latief
=============================
Seumapa merupakan suatu Adat Budaya yang di laksanakan oleh masing – masing daerah dengan istilah yang berbeda, sesuai dengan situasi, kondisi dan tempatnya masing – masing.
Pada saat ini kita khususnya seumapa ( berbalas Panton ) pada acara perkawinan saja, seumapa pada acara ini berbeda istilah sesuai dengan daerahnya masing – masing.
· istilah Seumapa di Daerah :
1. Seunabang : Seumapa ini ada dua istilah
· Manjalang
· Di kampung – Kampung dengan istilah Mangiyau Tafeng
2. Aceh Selatan : daerah Klut dengan istilah Mekatu
3. Aceh Tengah, Bener Meriah, Aceh Tenggara, Gayo Lues dengan istilah : Melengkan
4. Aceh Tamiang dengan istilah : Berbalas Panton
5. Daerah tingkat dua lainnya lebih di kenal dengan istilah : Seumapa

SEUMAPA PADA ACARA PERKAWINAN 
===================================
Seumapa pada acara perkawinan di laksanakan pada tiga tempat yaitu :

1. Pada saat meulake ( Melamar )
2. Pada acara Antar Linto ( Antar pengantin laki – laki )
3. Pada acara penyerahan Linto Baro ( penyerahan pengantin laki- laki kepada keluarga dara baro ( Penganten Perempuan ) kepada orang tua serta masyarakat tempat penganten perempuan berdomisili )

Ketika tempat ini berbeda-beda acara dan kata-katanya sesuai dengan yang di perlukan seperti:

SEUMAPA PADA SAAT MEULAKE .
1. Pada saat meulake ( melamar ) dengan mengunakan Panton – Panton kedua belah pihak masing –masing sebagai berikut.:

v CONTOH DI PIHAK CALON LINTO
================================= 

Nibak Simalam Kamo Melumpo
Medeh ngon Meno Lemah Rahasia
Di Tebit Bulen Cahaya Cukop Trang
U Darussalam di Beudoh Cahya

Sektor Barat Cahya Kemeunghu
Sektor Timu Cahya Cukoptrang Lamtaman Bunga
Oh wate di Lhoh Cahya Meublie – Blie
Bungong Baktangkei Indah That Rupa

Bungong Meuindah Wangi Konledroe
Harum Trok Sampo Keudeh U-Lhoknga
Kamoe Trok Keuno Pesetot Lumpoe
Peukeu Bungongnyo So Kareum Kana

Meunyo Gohnapo Bungong Ie Mawo
Bah kamo Puwo Keudeh U-Lhoknga
Meunyo Kanapo Hana Masalah
Neuberi le Allah Teutap Sodara

v JAWABAN SEUBELAH DARA BARO
===================================
Alhamdulillah Kamo Ucapkan
Kepada Tuhan yang Po Kuasa
Teurima Kasih Teuma Oh Lhehnyan
Keuwareh Taulan Yang Katrok Teuka

U-Darussalam Katroeh Malamnyo
Peuseutot Lumpo Yoh Saboh Masa
Bungong Ie Mawoe Keubit Betoina di Dalam Taman
Lam Saboh Karang Bungongna Dua

Nyantoh Bungongnyan Tankamoe Turi
Peu Sinyak Nuraini Atau Sinyakti Hawa
Teungku Nepegah Jeut Kamoe Turi
Baroe Kamoebri Jawaban Haba

v SAMBOT SEUBELAH CALON LINTO
===================================
Kamoe Lake Meuah Hai Teungku Waki
Hana Kamoe Peturi Bungong Jroeh Rupa
Oh Ban Netanyong Kamoe Katedong Katekap Bibi
Peu Sinyak Nuraini atau Sinyak Tihawa

Kamoe Sebutnan Hai Teungku Waki
Sinyak Nuraini yang Cantik Rupa
Hidong jih Mancong India Perseh
Kulit jih Puteh Lagee Eropa

v SAMBOT SEUBELAH CALON DARA BARO

Lheuh Teungku Peugah Kakamoe Turi
Sinyak Nuraini Sokareum Gohna
Lagee Boh Lam On Sinyak Meutuah
Ummi Ngon Ayah Sabe Gejaga

Jeut Droennyo Kaloen Bungong Ie Mawo
Jeut Droennyo Puwo Keudeh U-Lhoknga
Citka Seureta Poma Ngon Ayah
Kalheuh Geupegah Bandum Saudara.

v SAMBOT SEUBELAH CALON LINTO BARO
==========================================
Medengoe Meunan Leupie Bukonle
Seunangthat Hate Kamoe Lamdada
Padumnek Purih Tapot Bungongnyo
Supaya Kamo Jeut Meupe Haba

Meunyo Goh Medum Kamoe That Susah
Peukamoe Peugah Watee Meugisa
Le Dengon Mit Kamoe Seunangthat
Penteng Jeut Me Pot Sibungong Jeumpa.

v SAMBOT SEUBELAH CALON DARA BARO
=====================================
Siploeh Mayam Meh Purih Sinyak Nuraini
Geukhen Le Abi dengon Saudara
Menan Peunesan Kakamo Peugah
Mandum Kajeulah Bak Kamo Kira

Kamoe Lakemeuah Teungku Meutuah
Kadang na Salah Kamoe Mehaba
Tame eh Sino Bandum Wahai Teungku Droe
Bekle Newo Malam Kajula.

v SAMBOT SEUBELAH CALON LINTO BARO

Alhamdulillah Pujoe Keu Tuhan
Kamonyo Mandum Cukop Gembira
Mekeusut Katrok Hajat Kasampo
Nyo Takbir Lumpo Baroe Kanyata

Ne Izin Kamo Wahai Teungku Dro
Metinggai Droennyo Kamoe Megisa
Talake Doa Bak Tuhan Sidro
Malam Ngon Uroe Beumebahgia.

Beuphit ngon Kulit Mangat ngon Asoe
Malam ngon Uroe Tuhan Peulara
Droennyo Metinggai Beumangat Asoe
Kamo yang Mewo Sehat Anggota.
Banda Aceh, 22 Oktober 2013
DRS. H. M. ALI LATIEF

  SALEUM ROT LINTO BARO
========================
Assala Mualaikum Teungku Metuah
Meulake Meuah Kamoe Sidumna
Ke Bapak Geuchik Kamoe Muliakan
Serta Sajan Teungku Petua

Ketua Jurong Tema Oh Lheuh nyan
Serta Sajan Ketua Pemuda
Ibu PKK Hana Metinggai
Uroe Ngon Malam Saban Keurija

Kamo Nyan Juoh Kuno Melangkah
Hajat That Lupah Bungong Jroh Rupa
Bungong Ie Mawoe Cit Saboh Sagai
Ka Kamo Pandang di Singga Sana

Hana Meu Sapeu Nyangna Bak Kamo
Keu Bungong Jaroe Linto Kamoe Ba
Yup Payong Kuneng Jeut Ne Eukeundroe
Reuoh Kajipo Lam Aneuk Mata.

Beu Nepeu Izin Teungku Beu Bagah
Jeut Kamo Langkah Bek Lee di Lua
Jeut Oh That Gampong Kamo Meu Langkah
Ie Ngon Bu Kulah Hana Kamo Ba.

SAMBOT SALEM PIHAK DARA BARO
==================================
Alaikum Salam Warah Matuhu
Saleum Bak Teungku Sangat Mulia
Daleh Pi Saleum Bak Ureung Patot
Hana Mebri Roet Udalam Tika

Geuchik Ngon Tungku Pina di Likoet
Yang Patoet – Patoet Na Ureung Tuha
Kapala Juroeng Pina di Likoet
Metureot – Turoet Ketua Pemuda

Daleh Pih Bantroeh Siat Nepiyoeh
Ureung Tuha Boeh Lagee Nyan Cara
Beuthat Criet Uroe Wahai Teungku Beh
Siat Neupiyoh Tapeugah Haba

Haba Pih Mangat Ngoen Tengku Jeuoh
Lagee Sie Reuboh Bak Uroe Raya
Bungong Sitangkee di Dalam Lampoh
Geupreh Pajan Troh Cut Abang Muda

SAMBOT SALEM PIHAK LINTO BARO
===============================
Meunyo Lageenyan Teungku Nepeugah
Jeurong Nepeuhah Laju Lee Segena
Kamo di Lua Ka Apoh Apah
Meutamah Ngon Grah dalam Uro Kha

Reuoh di Teubit Bajee Kabasah
Mata Kamerah Ban Aneuk Saga
Teuot Methat – tahat Sang – sang Rab Reubah
Bak Lagee Neukeubah Kamoe di Lua

Sayang That Teudong di Sino Linto
Jieh Dara Baro Ceungeh Ulua
Dengon Ie Mata Ka Abeeh Jiroe
Jikalon Linto Dalam Uro Kha

Ne Izin Laju Jeut Kamoe Tamong
Sayang That Bungong Dalam Istana
Ngon Izin Allah Sidroe Hadharat
Beu Ek Mesapat Awak nyo Dua.

SAMBOT LOM PIHAK DARA BARO
==============================
Teuma Mepegah Bak Teungku Linto
Jieh Dara Baro Ka Geupreh Gata
Padum Trep Sabee Hate Tegogo
Sipre Ngon Kaso Ka Geusedia

Bantai Ngon Kipah Kalheuh Geuato
Tempat Duk Linto Peulamin Kana
Minyek Mangat Bee Ka Habeeh Geuroe
Piyoh Hai Linto Ngon Jamee Teuka

Peubasah Gaki Wahee Teungku Droe
Ek U Seuramoe Neuduk Bak Tika
Nyon Ala Kada Tempat Bak Kamoe
Laen Nibaknyo Di Kamoe Hana

Paya Sidon –don Habeh Keubeu Bloh
Paya Mon Buboh Meu Ie Oh Dada
Jeuroeng Kakamoe Buka Pinto Ka Teuhah
Ka Jeut Ne Langkah Bek Lee Di Lua.

Banda Aceh Oktober 2013
DRS. H. M. ALI LATIEF


SEUMAPA PENYERAHAN LINTO BARO
======================================
- Assalamualaikum Wr.Wb
- Puji dan Seulawat
- Penghormatan
Ucapan terima kasih yang telah menerima kami dari rombongan Linto Baro dan menyediakan makanan yang cukup lezat sangat memuaskan bagi kami yang makan dan akan kami kenang sepanjang masa seperti kata orang tua :

Bu yang Nebut Kakamoe Makeun
Hana Sapeu Kureng Capli ngon Sira
Ie Dalam Glah Kaleuh Kamoe Jiep
Gadoh Peunyaket Jep-Jep Anggota

Kamoe Lake Meuah Bak Tuwan Bisan
Kamoe Rombongan yang Katroek Teuka
Mungken roh Langkah Metajo - tajo
Mungkin na Tuto Narit yang Gasa.

Dari Lhoknga Kamoe Rombongan
U-Darussalam Kamoe Troh Teuka
Hana Meturi Kamoe Hana Metuban
Adat ngon Resam Sino Budaya.

Lheuh Lingkie Darussalam
Lheuh Lampisang Metemeng Lhoknga
Hana Meusape yangna Bak Kamoe
Keubungong Jaroe Linto Kamoe ba

Netulong Bimbing dengon Nasehat
Mangat Beksesat Jalan Agama
Beu ek Mesaho ngon Masyarakat
Beu Mephom Adat dengon Budaya

Menyo Sakit Nejakba Laju
Bak RSU Nejak Periksa
Meunyo Deuk Benetem Jokbu
Benetem Bantu Nejok Belanja

Meunyo Mate Anek Kamoe
Beunesemanoe Dua Lhee Tima
Neboh Kaphan Dua Lhee Lapeh
Hana Ija Putih Nebalot dengon Tika

Oh Wate Matie Beneukuh Kubu
Benetem Bantu dengon Meudo’a
Nekrueh Uruk Bek Jarak – Jarak
Gampang Kamojak Meudo’a

Umu pi Muda Mantong Siumu Jagong
Sopan ngon Santon Pasti Hana Teujaga
Kamoe Serahkan Keupada Masyarakat
Dengon Pemangku Adat dan Ulama

Habacut Meuba Keubungong Jaroe
Menyo Keuasoe Mebek Nekira
Barang Cit Bacut yang Kamoe Pasoe
Penting Atranyo Keutanda Mata

Asoe Nepeusoh Bungkoh Nepulang
Bek roh Meulang – ulang Megisa – gisa
Kamoe Lake Izin Bak Tuan Bisan
Kamoe Meuriwang U-Gampong Teuma


SEUMAPA SAMBOT SEUBELAH DARA BARO
=========================================
- Assalamualaikum Wr.Wb
- Puji dan Seulawat
- Penghormatan
Mengucapkan terima kasih kepada rombongan yang telah tiba dan kami mohon maaf karena dalam penerimaan rombongan bisan yang tidak sesuai dengan kebiasaan dan juga makanan yang kami hidangkan sangat kurang dan juga tidak sesuai dengan selera bapak – bapak serta rombongan bisan di tempat kami :

Krueseumangat Hai Tuan Bisan
Serta Rombongan yang Katrok Teuka
Kamoe Teugogo Uroe ngon Malam
Ingat Keubisan Pajan Troeh Teuka

Alhamdulillah ngon Izin Tuhan
Rombongan Bisan nyo Baro Tiba
Hana Mesape Nepegah Buno
Kebungong Jaroe Linto Droennyoba

Nepegah Buno Aneuk di Dronnyo
Menyo di Kamoe Hana Peucaya
Aneuk di Dronnyo Ibarat Payong
Tempat Melindong oh Ujeun Teuka.

Aneuk di Droennyo Sang Peudeng Lam Sarong
Jeut Peutheun Gampong oh Haro hara
Tamse Umpama cit Panyot Tamlong
Ngon Peutrang Gampong Watee Gerhana

Lage Kaye Raya Bak Teungoh Padang
Jeut di Menumpang Dum Manusia
Jeut Tempat Peuniyoh Baroeh ngon Tunong
Jeut Tempat Teumanyong Tuha ngon Muda.

Kamoe Peuingat Keudara Baro
Gata ngon Linto lage Lambehtera
Peutimang Peungayoh bek Sihet Jaloe
Oh Tametuto Bekna yang Gasa.

Gata ngon Lakoe yang ka Meukawen
Bekna Melaen Hate lam dada
Seunang ngon Susah biasa Kangen
Asai Tameutem Aman Bakdada.

Kadang Lakoe Gata Han ek Puwoe Sie Roh Puwoe Kareng
Bek Sagai Ceuken Muka di Gata
Muka Beurumeh hai Bungong Keumang
Hudep Teuaman Sampoe An Tuha.

Kakamo Teurimong nyan buah Tangan
Asoe di dalam Lengkap Bandumna
Oh Lheuh Kamocok Bandum Bungkohnyo
Kamoe Serahkan Kepada Keluarga

Bek di Lee Newo Hai Teungku Bisan
Ngon Kamoe Sajan Tameuduk Tapeugah – Peugah Haba
Dak pinewo Kakamoe Izinkan
Serta Sajan Meiring Do’a.
Banda Aceh, 22 Oktober 2013
DRS. H. M. ALI LATIEF
*Disampaikan pada Pelatihan Seumapa ( MAA Kota Banda Aceh )



PELAKSANAAN SEUMAPA PADA ACARA INTAT LINTO
===============================================
“ SEUMAPA “
===========
Seumapa adalah: merupakansalah satu syarat untuk memberikan salam atau menjawab salam yang dilantunkan dengan berbalas pantun oleh kedua belah pihak antara pihak linto baro dan pihak dara baro ,
Maksud dan tujuan seumapa adalah : untuk mengetahui kedatangan rombongan linto baro
Datangnya dari mana dan tujuan kemana rombongan linto baro tersebut .
Contohnya :

PIHAK LINTO BARO :
=====================
Assalamualakom, kamoe bri saleum
Keu tungku bandum, sigoe loen sapa
Meulake meuah, bak droe neuh bandum
Kadang leupah khuen, hana seungaja

Digampoeng juoh, kamoe beurangkat
Meunuju meuhat, keunoe meuteuka
Lage meukeusud, yangka tahajat
Kamoe jak sambat, taloe syedara

Leubeh ngoen kurueng, bek neukhuen sapue
Sit ka neuteupue, hana sapuena
Seubab kamoenyoe, sit urueng dusoen
Tinggai lam gampoeng, jeuoh ngoen kota

Ngoe jalo puntoeng, peungayoeh patah
Meu ilah ilah, keunoe meuteuka
Peuturoe hate, sabe lam gundah
Seubab that susah ,judo meumita

Ka mate raja, mate ngoen putroe
Tutoeng meunigoe, nanggroe pih fana
Hana soe gaseh, hana soe sayang
Beuneutem pandang, meusiblah mata

“ PIHAK DARA BARO “
===================
Alaikom salam, jame baro troeh
Neudoeng neupiyoeh, siat dilua
Neupiyoeh siat, dang dang thoe reuoh
Digampoeng jeuoh, ban troeh neuteuka

Labuhan haji, pasi lhoek paoh
Kuala susoeh, raya that sawa
Haba ka lawi, janji ka putoeh
Uroenyoe katroeh, syedara teuka

Ranub kuneng oen, di neusu Aceh
Karueng meucungkeh, di pasi lhoek nga
Padum treb lawet, ka kamoeh preh preh
Uroenyoe jadeh, linto ka neuba

Tajak u lampoeh, tatarek kawat
Ranub meulipat, di dalam bungkoeh
Neudoeng di lua, neupiyoeh siat
Sit meunan adat, urueng tuha boeh

“ PIHAK LINTO BARO “
=======================
Taek gle paroe, tatroen gle kulu
Sinyak pajoeh bu, sikulah dua
Lon balek ragam, lon tuka buhu
Adak bak tinju, ronde keudua

Pucak seulawah, mayang meu alon
Saboh seuneuron, tanoeh cempaga
Sigoe bak adek,rindu ngoen rihon
Siribe bak lon, ateuh jeumala

Ie Krueng geureutoe, nanggro lhok sukon
Anuek buya troen, kuala jangka
Malam ngoen uroe, jaroe loen suon
Rindu hate lon, adek keu gata

Neu izin kamoe, tamoeng lam keuboen
Meujak duek ayoen, taman istana
Dilon hai adek, apon han apon
Sang sang ka meuthoen, tan loen eu gata

Ranub kuneng oen, digampoeng cot preh
Kareung meucungkeh, pasie krueng raya
Rombongan linto, reuoh ka lileh
Bekle neupeupreh, kamoe di lua

“PIHAK DARA BARO “
==================
Oen tapak tapoeng
Lam juroeng, oen tapak guda
Ronde Pertama, kalhueh berlangsoeng
Bacut lon samboeng, ronde keudua

Jaroe siploeh, di ateuh ule
Meuah lon lake, bak jame teuka
Jaroe siloeh, lon buet sikurueng
Geulantoe lon lueng, tika musalla

Jaroe sikurueng, lon beuot lapan
Geulantoe timphan, ngoe Asoe kaya
Jaroe lon lapan, ka loen peusaboh
Jeh pat di rumoeh, ka geulueng tika

Kajuet neutamoeng, wahe tungku jroeh
Bekle di yueb moeh, uroe ka jula,,,,,,,,,,,,,,,,,,,

Neupeurab laju, keudeh bak guci
Neujak rhah gaki, jame ube na
Neu ek bak riyuen, beu ingat ingat
Beukoeng neumumat, riyuen leupah gla

Kajuet neutamoeng, hai tungku linto
Jeh pat dara baro, jipreh preh gata
Taduek diseuramoe, di atueh kasoe
Kalhueh geu atoe, le urueng tuha

Demikian sekilas panton seumapa sebagai contoh..........
Banda Aceh, Pelatihan Seumapa MAA Kota Banda Aceh, 22 Oktober 2013