SEKILAS TENTANG SEUMAPA

================================================

Dalam prosesi adat aceh di hari antar mempelai pria ke rumah mempelai wanita yang disebut “ Intat Linto” disitulah terjadi acara yang disebut Seumapa, dalam prosesi seumapa antara rombongan mempelai pria dan wanita berhadapan saling berbalas pantun, disitu terjadi perang mulut dengan bahasa bersajak dan kocak lucu indah didengar. Di pihak masing-masing telah di tentukan orang yang mampu dalam hal berbalas pantun. Tokoh yang jadi orang yang di depan pada hari itu adalah orang khusus dan bijak dalam mengeluarkan kata- kata dan pribahasa.

Seumapa biasanya satu orang pihak mempelai pria. Dan satu orang pihak mempelai wanita. Ada juga tokoh seumapa dua orang pihak linto, dan dua orang pihak dara baro. Tetapi tetap dalam keadaan yang sama, yaitu satu pihak bertanya dan satu pihak menjawab, dalam prosesi seumapa tersebut di mulai dari pihak mempelai pria atau dari pihak Linto Baro dulu, dan selanjutnya dijawab oleh pihak dara baro, disaat seumapa tersebut. Pantun- pantun dan sajak yang dilontarkan tetap dalam koridor adat perkawinan dan tentang perjanjian- perjanjian kedua pihak dan juga tentang agama, tidak menyimpang dengan kata dan bahasa lain, misalnya politik, porno, hasut, fitnah, mencaci yang dapat merusak ukhuwah dan silaturrahmi, walau ada kata kata yang miring tapi cukup teliti dan tidak menyinggung kedua pihak .

Seumapa dulu dan sekarang sudah banyak perubahan, dulu seumapa malam karena acara intat linto dulu malam, dan orang yang menjadi tokoh seumapa ada yang tidak kenal, ada yang tidak selesai sampai pagi karenasaling berbalas tanpa ujung, dengan keadaan yang tidak menjamin lagi adat ini bertahan, menjadi ajang saling lempar pantun, dan kata- kata yang tak sesuai lagi saling menjelekkan tidak ada penyelesaian, maka ditertibkan oleh pemangkat adat juga oleh tokoh- tokoh yang bijaksana dalam hal melestarikan adat budaya kita.

Sesuai dengan perkembangan jaman, seumapa sekarang sudah di tertibkan waktu dan aturan oleh pemangkat adat, jangan terlalu lama dan sesuai dengan tema yaitu intat linto, tokoh seumapa juga sudah saling kenal bahkan satu group sehingga seumapa terpelihara dari cara- cara yang tidak sempurna.
Berikut Contoh- Contoh Seumapa :

1.      BLAH LINTO

==================

Assalamualaikum ulon bi saleuem

Keurakan bandum tuha ngon muda

Kamoe nyang teuka cit ka troh bak leuen

Keuchik ngon imum ketua pemuda

Ureung tuha gampong langsong troh mandum

Meutinggai mideuen keunoe meuteuka          

Inong ngon agam rakan ngon kumuen

Adoe ngon aduen wareh syedara

Jak intat linto bak judo buleuen

Bek le meulanteuen janji meutuka

Adat bak donya ka tapeureumeun

Reusam ngon Qanun kakamoe jaga

Ranup kuneng on meususon rubeueng

Tawo bak abeueng bak lampoh tuha

Jurong neubuka sigra bi ruweueng

Bek le neu ampeueng kamoe di lua

Watee ie raya ka anyot bateueng

Geuswok udeueng lam neuheuen tuha

Linto kamoe ba sigra neujak tueng

Bek basah ngon rhueng reu-oh keulua...

Nyoe seubago contoh ......

2.                  BLAH DARA BARO

============================

Assalamualaikum warah matullah

Jamee troh langkah cukop mulia

Tika kameuleueng bak seueng nyang luah

Katrep meuleupah preh jamee teuka

Ureung tuha gampong nyang dong meusiblah

Nyoe patdeuh jeulah tuha ngon muda

Dikawom hawa meubanja leupah

Ngon payong teuhah preh linto muda    

Yoh bunoe jurong langsong yue peuhah

Keuneuk meulangkah dalam istana

Linto nyang neuba nyan cit ka jeulah

Bak putroe ceudah meusandeng dua

Bungong lam taman keumang si ulah

Cukop that ceudah lam keubon raja

Pakon jeut teulat meuhat troh langkah

Peu na musibah bak jalan raya

Kamoe kabunoe hate that susah

Hana lom leumah linto teuka

Sebab meujanji bak siploh pah

Oh troh neulangkah karap poh dua

Aneuk ceumpala subra meuleumpah

Ateueh bak panah hana meuho ma

Nyan neuci jaweub bacut neupeuglah

Mangat neulangkah dalam istana...

3.                  BLAH LINTO

======================

Di ateuh bak – u tupe meulumpat

Ateuh bak langsat aneuk cempala

Kon na musibah meulangkah teulat

Maklum hai sahbat na sidroe dua

Buet Intat Linto cit le nyang teulat

Ka awai bang syat teulat lem baka

Oh katroh teungku, preh geuchik siat

Oh ka beurangkat ka tinggai nyakwa

Dikawom ibu pih hanpeue ingat

Cukop brat teulat bak ngui busana

Bajee nyoe han pah sang mirah that that

Ohte beurangkat ka itam sukla

Sinan keuh lanteuen ka meutheun siat

Nyankeuh jeut teulat keunoe meuteuka

Bek trep le sinoe uroe tarek that

Linto meukarat dalam uroe kha

Diateuh bak-u karu leupah that

Tupe riyoh that keunong geulawa

Meulakee meuah meulangkah teulat

Nyang peunteng that that keunoe beuteuka...

4.                  BLAH DARA BARO

=========================

Ranup sigapu boh pineung teucang

Taboh tahidang keu jamee teuka

Payah kamoe tanyong nyan asoe hidang

Janji hai cut bang hajeuet meutuka

            Masa ba peuha kana perjanjian

            Meulang ulang seulangkee teuka

            Adat ngon reusam tanyoepeutimang

            Bek jeut keu utang malee bak donya

Nyo goh sep neuba nyan asoe hidang

Payah peuriwang laju beusigra

Payah neumita sigra beurijang

Baro neu ulang keunoe neuteuka

Meunan cit laen seunalen pakaian

Peunuwoe cut bang keu sinyak dara

Sabab meupareksaoh troh u dalam

Cuma pakriban nyo leungkap hana

Nyo goh lom leungkap nyan asoe idang

Pinto meupalang hana meubuka

Kareuna adat that tapeutimang

Nyan jeut bhah idang kamoe pareksa

Gunong seulawah meugah hana ban

Meugah na taman geukheun tahura

Meunyoe goh teuntee lagee perjanjian

Nyan an eunteuk malam payah neusaba...

5.                  BLAH LINTO

==========================

Tajak ulee lheue lingkeue u sabang

Arong geulumbang peulayeue betra

Nyo neupareksa nyan asoe hidang

Keunoe hai cut bang kaleungkap meuba

Peunajoh Aceh bereh hanaban

Oh troh u dalam jeuet neupareksa

Hana meutuka haba uroe nyan

Adat ngon reusam got that meujaga

Ngon tubee meu on bang samsom gulam

Asoe lam talam eu ato banja

Linto jak keunoe woe bak pasangan

Kon malee ngon tuan nyo hana neuba

Peue lom nak tanyong laju lom rijang

Bek trep neuhadang dalam uroe kha

Kalaen that hi bak dali sang sang

Kalagee meuprang geutanyoe dua

Lam blang peudada geupula kacang

Ureueng meu indang pucok krueng woyla

Nyo le that bagoe bah kamoe riwang

Linto ngon idang kamoe peugisa...

6.                  BLAH LINTO

========================

Tajak ulee lheue lingkeue u sabang

Arong geulumbang peulayeue betra

Nyo neupareksa nyan asoe hidang

Keunoe hai cut bang kaleungkap meuba

Peunajoh Aceh bereh hanaban

Oh troh u dalam jeuet neupareksa

Hana meutuka haba uroe nyan

Adat ngon reusam got that meujaga

Ngon tubee meu on bang samson gulam

Teuma oh lheueh lason u- muda

Meunan cit laen seunalen cut intan

Lam kofor itam leungkap seudia

            Ranup lam batee meu uke sulam

            Asoe lam talam eu ato banja

            Linto jak keunoe woe bak pasangan

            Kon malee ngon tuan nyo hana neuba

Peue lom nak tanyong laju lom rijang

Bek trep neuhadang dalam uroe kha

Kalaen that hi bak dali sang sang

Kalagee meuprang geutanyoe dua

Lam blang peudada geupula kacang

Ureueng meu indang pucok krueng woyla

Nyo le that bagoe bah kamoe riwang

Linto ngon idang kamoe peugisa

7.                  BLAH DARA BARO

===========================

Di yup seulasa geuputa taloe

Palet bak jaroe beumeuho punca

Bek dilee beungeh bek jadeh neuwoe

Haba u lon nyoe keu gura- gura

Kru seumngat hajat ka sampoe

Nibak uroe nyoe linto kateuka

Seunang that hate kamoe di sinoe

Judo Cut Putroe ceudah lagoina

Ateuh bak tarok toktok beuragoe

Ateueh bak panjoe beurijuek subra

Meuah hai bisan keu lon tuan nyoe

Ubak linto tanyoe napeue pareksa

Peue ka muphom dum rukon manoe

Teungku linto nyoe etna sikula

Peue na geujak beuet tauhid ngon jawoe

Ngon doa manoe kamuphom cara

Nyo goh lom muphom mandum meurunoe

Sajan cut putroe payah tatunda

Neujaweub rijang hai bisan jinoe

Mangat di kamoe jurong meubuka

Aneuk leuek kutru ateueh bak mancang

Aneuk tulo blang ateuh bak bangka

Meunyo kamuphom dum hukom islam

Nyan euntreuk malam hom jih dua

8.                  BLAH LINTO

=======================

Bukon le sayang takalon tiyong

Ateueh bak rambong sabe lam subra

Teungku seumapa sangka meu ujong

Sang keunong rincong meupatie haba

Meunyoe di Langsa meugah na pusong

Meunyoe di beutong meugah na rusa

Lheuh tanyong itek neusidek tiyong

Nyo ka neusambong tanyong tanyong agama

Teungku Linto nyoe kon sigam bakong

Dijak beuet lambong bak Dayah Tuha

Jeuet di darah Kitab tauhid that muphom

Nyo masalah hukom gop dum di aja

Nyo bhah Agama bandum ka muphom

Musabaqah tiep thon geucok juara

Sikula manyang pikeran lambong

Keudeh u bandong jak cok si dua

Peukajeuet bisan keunan meutamong

Han ek le meudong sinoe di lua

Meunyoe bit mantong bisan teumanyong

Agam ngon inong bah meuja gisa

9.                  BLAH DARA BARO

===========================

Kruseumnagat rahmat bak Tuhan

Kajeuet hai bisan neutamong sigra

Linto nyang muda seureta rombongan

Tamong u dalam jamee nyang teuka

Meuah ulon nyoe bunoe meukalam

Kamacam macam ulon pareksa

Ulon nyoe tugah wakilah bisan

Adat ngon reusam ulon laksana

Tatuka payong langsong peukeumang

Po linto seudang ireng bersama

Ho Nek peuganjo jak tueng le rijang

Ngon hate seunang tapeumulia

Cok ranup bate tuka le rijang

Raja jeunulang tamong istana

Sallo ale hate dum seunang

Teurimong idang ubena neuba

Bungong ie mawo si tangke keumang

Ceudah tapandang hiasan mata

Tamong po linto laju beurijang

Yup payong keumang sebagoe raja

10.              BLAH LINTO

===========================

Ateueh tuwalang sipasang got got

Ateuh bak Rambot aneuk cempala

Bisan jak dikeue kamoe dilikot

Meunan nyang patot kheun ureueng tuha

Alhamdulillah bagah lon seu-ot

Narit meusambot tanyoe peumada

Tameuah desya pat pat na karot

Dikeue ngon likot bek jeuet keucupa

Timang ateuh droe jaroe meubeu-ot

Irang ngon irot bak kamoe teuka

Nyo kureung sopan kadang meudhot dhot

Kiban nyang patot neu teugursapa

Akhirnya penerimaan linto menurut adat masing- masing daerah.

-------------------------------------------0000000----------------------------------------------------