Oleh : SULAIMAN. A.GANI
===========================
Alhamdulillah. Leupah
seujahtra
Azawajalla, yang
peutroen nikmat
Yang bri raseuki, keu
bandum hamba
Meujeumba jeumba,
Tuhan bri Rahmat
Selawuet saleum, hana
loen lupa
Akan baginda, Nabi
Muhammad
Yang ba risalah, keu
bandum hamba
Keu Manusia, sampoe
kiamat
Saleum nibak loen,
bacut loen sapa
Badum saudara, uloen
peu ingat
Pilkada katoe,
tanyoe saudara
Bek juet keu subra,
meupake umat
Bek gara bacut,
tumut lungkiek pha
Tacue ngoen nuga,
bangkaran meuhat
Kutika katroeh,
katoe pilkada
Kajuet saudara,
tanyoe meusapat
Mangat kuah ie, gule on muroeng.
Kuah boeh jantoeng, ngoen eungkoet paya,
Bacut wasiet loen, keu bandum kawoem
Banda ngoen Duson, Aceh Mulia
Langkah beusahoe, beusapue haba
Aceh mulia, hoe taneuk intat
Seuramoe meukah, meuhoe taneuk ba
Tanoeh pusaka, indatu meuhat
Pilkada katoe, ka dikeu mata
Yang bek saudara, jeut bungoeng sungkap
Pileh peumimpin, meusoe yang seunang
Meubek
hai rakan, jeut prang saudara
Bek jeut keu pake, geutanyoe rakan
Soal
pilihan, jeut beda – beda
Asai bek golput, gata hai rakan
Meuleupah sayang, gadoeh suara
Hana meumileh, rugoe koen wayang
Taloe ngoen meunang, soal biasa
Beu siap
taloe, meunang pih meunan
Bek jeut keu sugang, soal pilkada
Bak waroeng kupi, bak baca koran
Beda pandangan, bek jeut keu dakwa
Apue lam seukeum, hana soe duga
Peunyaket lama, puleh goeh goet that
Meusalah pantang, jibeudoeh teuma
Meunyan pih hana, pat mita ubat
Hanale tabib, ek bri peunawa
Kareuna hana, nek Rabi meuhat
Nek Rabi
tanjoeng, cut samalanga
Raja
peunawa, po sihe meuhat
Indatu sihe, atueh rhueng donya
Gobnyan ka hana, mate katreb that
Meunan keuh wasiet, bak loen sikada
Untuk pilkada, uloen peu ingat
Meunyoe na salah, haba loen rika
Peubeutoi sigra, kiban yang mangat
( Tgk Diyueb Bruek, 27 Oktober 2013 )
0 komentar:
Posting Komentar