LHE PERKAHRA NYANG HAN MEURIWANG

====================================
Assalamu’alaikum, wareh syedara
Bandum lon sapa, inong ngon Agam
Tapujoe Allah, Tuhan nyang Esa
Tiep-tiep kutika, uroe ngon malam

Seulaweut Saleum, akan sayyidina
Meubek lupa, tanyoe sangjongkan
Ateuh Sahabat, dan keuluarga
Nyang that seutia, keu Nabi khatam

Ulon meuca-e, meulatih rika
Siprek haba, dalam group Muprang
Yang han meuriwang, 3 perkara
Seun-seun sibanja, ulon atoekan

Watee ka leupah, wahee syedara
Jiriwang hana, wahee e taulan
Meunyoe tapubuet, nyang sia-sia
Akan meurana, uroe pembalasan

Meukata-kata, nyang keudua
Dalam meuhaba, bek salah kalam
Bek tapeuteubit, haba peusuna
Nyang jeut binasa, fitnah geupeunan

Nyang ke-3, Janji –ingka le gata
ingat saudara, meubek rhoh keunan
Yoh goh  lom sampoe, maksud lam dada
Janji taseuba, lam kebohongan

Lhee peukahra, didalam rika
Baci saudara, neuperhatikan
Meunyoe na salah, ulon meurika
Neubantah sigra, bek seugan-seugan
Banda Aceh, 16/06/2013