“ ASE LIEH PUNGGOENG “

  Oleh : SULAIMAN.A.GANI

========================

Alhamdulillah, lon pujoe Tuhan

Yang Peujuet Alam, ban sigoem Donya

Yang peujuet langet, hana meutiang

Yang peuna peutan, Raseuki Hamba

Seulawuet saleum, atueh janjongan

Pang ule Alam, Rasul mustafa

Nabi yang Akhe, Rasul khataman

Lhuehnyan laen tan, khatam Ambiya

Samboet saleum lon, keu bandum rakan

Inoeng ngoen Agam Tuha ngoen Muda

Ka padum masa, keunoe tan datang

Meunyoe baro ban, katroek lon teuka

Hajat troek  ulon, jak sawue rakan

Seureuta sajan ,  soalan lon  ba

Atra goeb tanyoeng, dilon muphoem tan

Lon jak buet pih tan, sikula huna

Na sidroe urueng, ka wahai rakan

Samat teungoeh blang, goebnyan keurija

Kutika katroek, wate seumbahyang

Luhoe ka datang, katroek kutika

Sigra berwudhuk, geujak seumbahyang

Peurintah Tuhan, u atueh  hamba

Rakaat keu dua, teungoeh seumbahyang

Asee troek keunan, saboeh saboeh yang raya

Teuma di Ase ,  nibak watenyan

Punggoeng le rijang, dilieh  le sigra

Ka jilieh pungoeng, Ase masanyan

Hukom pakriban, tajawueb  sigra

Pakriban Hukom, Urueng  seumbahyang

Meusah deungoen han, taci peunyata

Meunyoe takhuen sah, tabri  alasan
Meunyoe takhuean han, alasan beuna

Meunyoe tajawueb, beuseb alasan

Yang bek hai rakan, juet  punca dakwa

Jawueb lam  pantoen, tabri  alasan

Meunyoe laen han, dilon  teurima

( Tgk Diyueb Bruek, 2 Juni  2013 )