Oleh : SULAIMAN.A.GANI.
==========================================
Syukur ngoen pujoe ,muwoe keu tuhan
Yang peujeut alam., ban sigoem donya
Seulaweut saleum ,akan janjoengan
Pang ulee alam ,saidil ambiya
salam’alaikom, jaroe loen layang
Keu bandum rakan, tuha ngoen muda
Samboet saleum ,sion karangan
Peu ingat rakan ,dusoen ngoen Banda
Gantoe loen jak droe, loen bri utusan
Geunantoe badan ,lon kirem haba
Geulantoe loen bri ,kupi sicawan
Saboeh karangan , Hajat lon rika
samboet rakan droe, ngoen dua tangan
Hajat lon peutrang, nam boeh Pristiwa
Bak wate lahe, ngoen keumatian
Geutanyoe Insan, Bandum tarasa
Pristiwa yang phoen, bak keulahiran
Geubaca Azan, geuliyueng gata
Tapi ta ingat , bak keumatian
Hana geu Azan, seumbahyang gata
Pristiwa dua, bak keulahiran
Ta tusoe pih tan, peulahe gata
Hana tatupue, hana tatuban
Bak kelaheran, gata u Donya
Bak wate mate, meunan sit macam
Hana tatujan, hana sangka
Hana tutusoe, yang ba kuburan
Meusoe yang gulam, usoeng keureunda
Pristiwa keulhe, bak keulahiran
Peumanoe rijang, geupeugleh gata
Lam ija tumpe, geubaloet rijang
Oleh ma Bidan, ka geu usaha
Meunan sit dudoe, bak keumatian
Gata hai rakan, pih geupeumanoe
Gata geubaloet, lhe lapeh Gafan
Lhuehnyan hai rakan, pasoe keureunda
Pristiwa keupuet, bak keulaheran
Taklik that kiyam, tamoe meu a a
Takaloen makset, lam bumoe Tuhan
Han ek tapandang, takaloen Dosa
Ibu ngoen Bapak, gata masanyan
Takalon seunang, teuka gembira
Oh wate mate, ka keubalikan
Sanak ngoen taulan, geuklik keu gata
Oleh seubabnyan, gata hai rakan
Pubuet Amalan, masa lam donya
Supaya takhem, bak keumatian
Beu keubalikan, lage pristiwa
Pristiwa limoeng, bak keulaheran
Tuhan ciptakan, yang tuboeh gata
Asai ba tonoeh, meuwoe ba tanoeh
Tuhan peuteungoeh, Blang padang masya
Pritiwa keunam, bak keulaheran
Teumpat hai rakan, dalam pruet poma
Supoet ngoen seumpit, dalam kandongan
Wate tariwang, pih glap gulita
Supoet lam kubu, hanjuet tabayang
Meutan Amalan, cukop sensara
Oleh seubabnyan, gata hai rakan
Pubuet Amalan, pangkai tagisa
Nam boeh Pristiwa, bak keulahera
Bak keumatian, nam boeh peukara
Meuka keuh habeh, haba lon karang
Coek keupeudoman, Geutanyoe Dumna
(Tgk Diyueb Bruek, 14 juli 2013 )
========================================================
1- Ketika kamu dilahirkan, azan di alunkan di telinga kamu, ketika kamu meninggal,
kamu disolatkan tanpa azan.
2- Ketika kamu dilahirkan, kamu tidak ketahui siapa yang mengeluarkan kamu dari perut
ibumu. Ketika kamu mati, kamu tidak tahu siapa mengusung kamu ke kubur.
3- Ketika kamu dilahirkan, kamu dimandikan dan dibersihkan. Ketika kamu mati, kamu
juga dimandikan dan dibersihkan.
4- Ketika kamu dilahirkan kedua ibu bapa kamu dan sudara-mara bergembira. Ketika
kamu mati, kamu ditangisi kedua ibubapa kamu dan sanak-saudara.
5-Kamu dicipta daripada tanah, Maha Suci Allah yang mengembalikan kamu kepada
tanah.
6-Ketika dalam perut ibu kamu berada dalam tempat yang sempit dan gelap, ketika kamu
mati, kamu juga berada dalam kubur yang sempit dan gelap.
0 komentar:
Posting Komentar