17 PINTU MASUKNYA SYETAN BAK MANUSIA*

   Oleh : SULAIMAN.A.GANI.

===================================
Alhamdulillah, Lon Pujoe Tuhan

 Uroe  ngoen malam, saban kutika

Yang peujuet langet, hana meutiang

Meu jen ngoen Insan, lat batat dumna

Yang peujuet uroe, meugantoe  malam

Yang peuna  peutan, Raseuki keu hamba

Bandum Baharu,  peuneujuet Tuhan

Ila  malengkan, meuzat yang  Esa

Seulawuet saleum, akan janjongan

Pang Ule Alam, Rasul Mustafa

Bak Nur Muhammad, bandum disinan

Asal mulaan, Tuhan neucipta

Jinoe Saleum lon, keu bandum rakan

Inoeng ngoen Agam, Tuha ngoen Muda

Sulaiman.Gani, yang susoen  Nazam

Hajat lon peutrang, saboeh  Mustika

Tujoeh blah pintoe, jitamoeng Syetan

U Dalam Badan, Dum Manusia

Meuseun seun saboeh, ulon seuboet nan

Neuci hai rakan, jinoe bilueng sa

Peureuta maphoem, Al-Jahlu geupeunan

Nyan keubodohan, bak  manusiaa

Panuek seumike, hana pikiran

Sikula pih tan, jak buet  pih Hana

Pintoe keudua, Al-Ghadhab geupeunan

Nyan keumarahan, Hareutoe  makna

Roet Pintoe  beunge’h, jitamoeng Syetan

Urueng Marahan, kontrol hanle na

Nyan  Hubbud dunya, keulhe hai rakan

Dalam pikiren, sit cinta Donya

Pungoe ngoen Donya, Uroe ngoen malam

Donya nyoe sang sang, sit hanle  Fana

Sang hanle mate, Hudep keukalan

Lam Bumoe Tuhan, Silama lama

Padahai Donya nyoe , Teumpat singgahan

Teungoeh berjalan, nanggroe  Kalbaka

 Teuma yang keupuet, Ka  Thulul amal

Keu Angan angan, Payang lagoe  na

Keu limoeng tamak, Al hirshu  geupeunan

Di tamoeng Syetan, roet pintoe  loba

Pintoe yang keunam , jitamoeng Syetan

Lam tuboeh Insan, Dum  Manusia

Meuroet pintoe kriet,Al bukhlu geupeunan

Pelit hai hai rakan, khuen anuek  muda

Pintoe keu Tujoeh, Al kibru geupeunan

Pintoe keu lapan, Hubbul madhu nama

Hareutoe Madhu, Pungoe  pujian

Jitamoeng syetan, takontrol hana

Pintoe Sikurueng, Ar riyaau Geupeunan

Pamer hai rakan, Areuti makna

Pamer hareuta, deungoen  pakaian

Nyan pintoe Syetan, pih that bahaya

Pintoe  Al 'ujubu, siploeh hai rakan

Jitamoeng syetan, roet pintoe bangga

Gadoeh bangga droe, uroe ngoen malam

Seusama insan, bangga meubangga

Pintoe  Al jaza'u wal hala'u, Siblah hai rakan

Panik geupeunan, toe putoeh Asa

Atawa  Galau, Istilah  sekarang

Nyan pintoe syetan, beugoet tajaga

Pintoe Dua blah, jitamoeng syetan

Nama geupeunan , Ittiba'ul hawa

Peuturoet Nafsu, Tiep uroe Tuhan

Uroe ngoen malam, peubudak gata

Pintoe keu lhee blah, jitamoeng syetan

Lam tuboeh insan, Dum  Manusia

Pintoe  Su udz dzon, nama geupeunan

Atau hai rakan, berburuk  sangka

Ihtiqorul muslim, ka wahai Rakan

Nyan pintoe Syetan, meupuet blah kana

Pintoe Limoeng blah, jinoe hai rakan

Ihtiqorudz dzunub Gepeunan , Peuremeh dosa

Al amnu min makrillah, merasa aman

dari  ancaman,  Allah  Ta’ala
Meunyan pih pintoe, galak that syetan

Nam blah hai rakan, neucuba kira

Pintoe Tujoeh blah, Jitamoeng Syetan

Al qunuth min rahmatillah hai rakan,  geuseuboet nama

Pintoe pesimis,  Bak rahmat Tuhan
Nyan pih di Syetan, Galak leupah na

Meuka keuh habeh, rinteh lon karang

Keu Pintoe Syetan, bak  Manusia

Tujoeh blah pintoe., kabeh lon peutrang

Neu gunci rijang, bekle neubuka

Bekle juet tamoeng, lam Tuboeh Insan

Ka neuboeh palang, beusoe manila

Supaya hudep, geutanyoe  seunang

Hanale syetan, tanyoe soe goda

( Tgk Diyueb Bruek, 10 Juli 2013 )

“ PINTU PINTU MASUKNYA SYETAN KEMANUSIA*

============================================
1. Al jahlu (kebodohan)
2. Al ghadhab (marah)
3. Hubbud dunya (gila dunia)
4) . Thulul amal (panjang angan-angan
5. Al hirshu (tamak)
6. Al bukhlu (pelit)
7. Al kibru (somb Al hirshu (tamak ong)
8. Hubbul madhu (gila pujian)
9. Ar riyaau (pamer)
10. Al 'ujubu (bangga diri)
11. Al jaza'u wal hala'u (panik dan galau)
12. Ittiba'ul hawa (menuruti nafsu)
13. Su udz dzon (prasangka buruk)
14. Ihtiqorul muslim (merendahkan orang islam)
15. Ihtiqorudz dzunub (meremehkan dosa)
16. Al amnu min makrillah (merasa aman dari ancaman Allah)
17. Al qunuth min rahmatillah (pesimis dari rahmat Allah)

Sebarkan  Kepada sahabat-sahabat kita yang lain. Mudah mudahan dikurniakan Pahala oleh Allah Subhana Wata'ala. InsyaAllah, Ya Allah jauhkan kami, sahabat-sahabat kami dan keluarga kami dari sifat-sifat buruk ini. Aamiin. Insya Allah Bermanfaat..