“TALUEK PEURUMOEH - 2

=================================

Assalam mua’lakom, tangloeng bungoeng croet
Tasamboet beugoet, saleum lon sapa
Bacut lon tayoeng, tajawueb beugoet
tapi bek rhob rhob, goeb tupue basa

Na sidroe urueng, taluek peurumoeh
Geutaluek saboeh, suot ban dua
Taluek yang tuha, yang muda suot
Supoe taluek rhoet , tajawueb sigra

Lam kitab nila, sinan geusurah
Lam kitab tufah , disinan pih na
Kiban jawaban, sinan geupeugah
neucuba surah, jawueb beusigra
(Tgk Diyueb bruek) Trks

Top of Form

Alhadi Andika

wa'alaikum salam warah matullah
salem si ulah, lon seu'ot sigra.
hana ulon beut, si kitab tuhfah..
hana lon peuhah, si kitab nila.

ulon ci seu'ot haba lon surah.
meyoe na salah, gure peubeuna.
sebab di gure, kalheh neu peuhah.
si kitab tuhfah, kalheh neu baca.

hukom teumaleuk, bak tutoe lakoe.
seu'ot si binoe, geu kira hana.
menyoe ka sareh tutoe di lakoe.
talek ka sampoe haway syaikhuna.

walau geututoe bak rakan sinaroe.
padahay si binoe, ji dingoe hana.
haba meu senda, tutoe di lakoe.
kasah di taloe, putoeh di punca.

seu'ot si binoe tan taklok hukom.
maka hay kaom hanjet meusenda.
lafai teumalek meunyoe ka ditroen
gata meusithoeng, meupisah dua.

lafai kinayah laen lom hukom.
tilek di qalbon, nyangna geukira.
kiban lam hate, meunan keuh hukom.
ingat keu rabbon, bek sulet gata

kiban kheun lakoe, meunan keuh hukom.
geutalek sikumtom, kiban meuhaba.
Sidroe geutalek, sidroe meuranggoeng.
meunan hay syaikhon, surah andika.