“SEUMOGA JEUT KEU RAHMAT TEUMANYOENG NYOE”

===============================================
Assalamu'alaikom, wareh syedara
Saleum lon seuba, keubandum rakan
nibak malam nyoe, pakriban haba
Tuha ngon muda, cibri jawaban

ulon tiek status, lam Panah Raya
Asoe lam rika, adalah pertanyaan
Neucuba tilek, watee neubaca
soalan lon mula, wahee e taulan

Takeudi musafir, dua droe hamba
seudang ka masa, shalat hai taulan
Laju Tayammum, saweub ie hana
Kalheuh useuha, lagee tuntunan

'Oh kalheuh saleum, ureung nyan dua
Leumah saudara, ie kana sinan
Laju sidroe, wudhu' lanja
Gantoe shalata, makna geu ulang

Kiban hukom, meunan cara
Ureung nyan dua, kiban hai taulan
Nyang ulang, 2 goe shalata
nyang laen teuma, hana geu ulang

Seumayang toeh, nyang geuteurima
Ureung nyang dua, nyoe ka kesusahan
Tulong bantu, jeunaweub sigra
Dalil nyata, baci sertakan????

Ikram Az-Zikri Dari 'atha bin Yasar, saboh riwayat
Abu Sa'id Al-Khurdi, peusampoe haba
Dua droe agam, musafir meuhat
Ka watee shalat, geupiyoh teuma

Watee geukalon, ie tan meupat
geujak ka Dumpat, teutap ka hana
Bandua gobnyan, Tayammum legat
Laju geu Qasad, pujoe Rabbana

'Oh lheuh geusaleum, wahee sahabat
Lahee nyan sa'at, ie pih kana
Sidoe wudhu', geu gantoe shalat
Sidroe sahabat, hana laksana

teuma dudoe, dalam riwayat
bandua Meuhat, hadap sayyidina
Teuma geujaweub, meunoe hai sahbat
Bandua ibadat, sah a'mala
=======================
Keunyang tan ulang, sah bak hadharat
Nyang ulang meuhat, ganjaran dua (2 x maksud jih))
Meunan keuh Allah, balah ibadat
Dalil ka meupat, baci neubaca :

Dari 'Atha bin Yasar, dari Abu Sa'id Al-Khudri berkata: Ada dua orang laki-laki dalam perjalanan, lalu datang waktu shalat sedangkan air tidak ada, lantas keduanya bertayammum dengan debu yang suci dan shalat, kemudian keduanya memperoleh air dan waktu shalat masih ada. Seorang diantara keduanya lantas berwudhu' dan mengulang shalatnya dan yang lain tidak. Kemudian keduanya datang kepada Rasulullah saw dan diterangkannyalah kejadian itu kepada Rasulullah saw. Beliau lalu berkata kepada orang yang tidak mengulang shalat, Benar engkau dan shalatmu sah" dan kepada orang yang mengulang shalat dengan berwudhu' beliau berkata, "Bagimu ganjarannya dua kali lipat."
(Nasa'i dan Abu Daud)