“ LAKE MEUAH BAK RAKAN RAKAN “

Alhamdulillah, lon pujoe Tuhan
Ka sehat badan, Tuhan peupuleh
Karab sibuluen, neubri cobaan
Saket bri Tuhan, sang hanle puleh

Ngoen Rahman rahim, sifuet Tuhan
Keu ulon tuan, matoeng neugaseh
Bak dali adat, tanle harapan
Tapi di Tuhan, manttoeg bri puleh

Maka seubabnyan, lake bak rakan
Peu meuah rjang, Dosa berhabeh
Kadang na salah, dalam Grup Nazam
Dalam Grup Muprang, narit meucureh

Kadang seuneulhueh, lon tuleh Nazam
Lhuehnyan bak Tuhan, lon gisa keudeh
Kadang awai lon, gisa bak Tuhan
Dosa ngoen rakan, peuah beuhabeh

Sinoe lon tingai, bandum karangan
Dalam blog sinan, kalhueh lon peuceh
Reudok keu Tungkat, Kilat keu Suwa
tgkdiyuebbruek.blogspot.com

Juet keu Ibadat, neubr i le Tuhan
Fahla neupulang, oh lon woe keudeh
Blang padang masya, sideh neupulang
Yangka lon karang, mamfaat keu wareh

Bak dali adat, firasat badan
Katroek had riwang, lon gisa keudeh
Bandum karangan, wareh ngoen rakan
Sinoe lon tinggai, tan lon ba keudeh

Yangna ulon ba, meuhat amalan
Meulaen sit tan, meu ube pureh
Meuah ngoen doa, bandum bak rakan
Yang lon harapkan, doa bak wareh

E ya Tuhanku, khalikul manan
Sit sidroe Tuhan, yang that geumaseh
Neubri keu ulon, seulamat iman
Wate lon riwang, lon gisa keudeh

Kubu beuluwah, beutrang ngoen lapang
Syuruga lapan, neupulang sideh
Beusaboeh payoeng, deungoen janjongan
Sideh di Mizan, Tuhan neugaseh
( Tgk Diyueb Bruek, 25 Mai 2013 )