“ U TANOEH SUCI HAJAT GEULANGKAH

  Oleh  : SULAIMAN.A.GANI

=====================================

Alhamdulillah, loen Pujoe  Rabbi

Yang  Maha Suci, sit  sidroe  Allah

Yang  peuna  peutan, yang bri Raseuki

Bandum buet Rabbi,  keunoe neulimpah

Lhuehnyan  seulawuet,  akan  Rasuli

Pang  ule Nabi, Utusan  Allah

Lhuehnyan  hanale, utusan  Rabbi

Sapoe hai  Akhi,  kiamat  sudah

Samboet saleum lon, Bacut  ulon  bri

Putra ngoen Putri, Ummi ngoen  Ayah

Banda ngoen Duson, Gampoeng  ngoen pasi

Bandum uloen bri, saleum ukhuwah

Nyoepat  na saboeh, sualan  goeb  bri

Meunoe terjadi, Rakan  meutuah

Neutuloeng  jawueb,  jawaban  neubri

Seureuta dali, Neutuloeng  Surah

Na  Sidroe Urueng,  Dua  Isteri

U Tanoeh  Suci, Hajat  geulangkah

Hajat  ban dua, geuba  Isteri

Akan  teutapi, Hansep  beulanja

Geuba  yang Tuha, yang  muda  pakri

Dua  Isteri, Hana  ikeulah

Ban  dua  Inoeng, Izin  han  bri

Dua  Isteri, jinoe  meureupah

Pakriban  cara,  geunuek  ek Haji

Ngoen Hukoem Rabbi, Mangat  bek  Salah

Ngat  bek meutunda, Goebnyan  ek Haji

Cara  jih  pakri, neutuloeng  surah

Neutuloeng  jawueb,  neubri  ngoen  dali

Ngoen Hadist  Nabi, Fireuman  Allah

Bek  Asai  jawueb, meuseupet  bibi

Jawaban neubri, dali  neusurah

Seubab lawetnyoe, le that  terjadi

Peudanpat jibri, le that  dum salah

Hana landasan, jawaban  jibri

Pendapat Wahabi, si laknattillah

Meunyoe tan Muphoem, Ban Hukoem Rabbi

Neudiam diri, bek  jak mita gah

Bek Asai  Jawueb, meuteume  bibi

Jawaban neubri, Asai ka  neuhah

( Tgk Diyueb Bruek 31 Agustus  2013 )