“ BUET KHUTBAH BISMINLAH HANA “

  Oleh : SULAIMAN.A,GANI

=========================================

Assalammua’laikom, warahmatullah

Alhamdulillah, Pujoe Rabbana

Seulawuet saleum, keu Rasulullah

Yang Ba  Risalah. Ban sigoem  Donya

Izin keu  ulon, rakan meutuah

Meunyoe na salah, sualan loen ba

Hajat loen tanyoeng, nyoe masalah

Neutuloeng surah, Hukoem Rabbana

Meunoe terjadi, rakan meutuah

Meunoe ban ulah, deungoe calitra

Sidroe ulama,  jak buet u meukah

Lama ka sudah, hana geugisa

Sampoe ka malem, ulama meugah

Seuramoe meukah, dudoe  geugisa

Kajuet keu  katib, geubuet  khutubah

Tapi  Bisminlah, hana  geubaca

Lon keuneuk  ikoet, lon takoet  salah

Lon keuneuk teugah, Sidroe  ulama

Hate lon ragu, meujampu  susah

Kiban khutubah, meusah ngoen hana

Neutuloeng jawueb, rakan meutuah

Hukoem khutubah, meusah ngoen hana

Neubri ngoen dali, Fireuman  Allah

Dan lom surah, Sabda  Maulana

Pakriban Hukoem, tabuet  khutubah

Hana Bisminlah, pue sah ngoen hana

Meunyoe di ulon, Anuek miet mirah

Hanjuet loen surah, eleume  hana

Hana  loen jak buet, deungoen  kuliah

Hanjuet loen surah, muphoem pih hana

Hana eleumee, bagai meuleupah

Anuek miet mirah, lahe  barosa

Neutuloeng  jawueb, rakan  Meutuah

Supayah jeulah, bek meusoem  punca

Hukoem ngoen dali, neubri  beujeulah

Bek khilafiah, peudapat neuba

( Tgk Diyueb Bruek, 31 Agustus 2013 )