“Keunoeng Peunguet”

    Oleh : SULAIMAN.A.GANI
=================================
Dilhoek semawe, na PT Aron
Sampoe lhoek sukon, jipasang pipa
Na sidroe Dara, wahe rakan loen
Sinyak Zainabon, geurasi nama

Rupa that cantek, sibungoeng rihon
Ta eu boeh hidoeng, lage Hindia
Linto troek datang, rata jeut gampoeng
Sinyak Zainabon, sidroe tan Ridha

Teuma padum treb, lawet hai kawoem
Sinyak Zainabon, seulangke teuka
Keunoeng Rayuan, seulangke suson
Calon Zainabon, cantek that rupa

Agam pih lagak, payang boeh hidoeng
Sinyak Zainabon jinoe ka Ridha
Kalheuh peunikah, sinyak Zainabon
Kalheuh hai kawoem, geupeugoet pesta

Bantai meutindeh, kaso meususon
Sinyak Zainabon, teunguet ban dua
Bak tiek tiek gaki, sinyak Zainabon
Pakon abang lon, meu kaye bak pha

Oh ban jitupue, lakoe jih puntoeng
Sinyak Zainabon, jimoe meutaga
Ban beungoeh uroe, jiplueng bak ulon
Jak tayoeng Hukom, Pakri ban cara

Ka keunoeng tipee, sinyak Zainabon
Lakoe jih puntoeng, jitupue hana
Wahe e rakan, neubantu uloen
Neupeugah Hukom ,PAKRIBAN CARA.
(Tgk Diyueb Bruek/Sulaiman.A.Gani)
Tgl23 September 2012