“ PENGKHIANAT CINTA “

================================================
Lepie meusap-sap,  jipoet angen gle
Peu ubat hate,  yang teungoeh luka
Hana lon sangka , Adoe  hate
Tacureh hate,  ngoen peum peung kaca

Ka lon ba tanda , yue jak  seulangke
Ngoen pawoen meurante , lon pinang gata
Tinggai meunikah,   Adoe boeh hate
Tapi ek sampe , khianat cinta

Gata Seulungkuh,  ngon agam jahe
Bak rumoeh aserehe,  di dalam kama
Keu cowok awai , tapeubreuh pade
Ulon yang akhe,  gata joek tuba

Wate teu ingat , ie mata hile
Saket that hate , ulon keucewa
Peungkhianat cinta , gata boeh hate
Padahai  rap sampe , bak uroe pesta

Hana seutia , meu ube pade
Hana teupike,  meu ube seuma
Cinta seusa’at,  yang gata uke
Taboeh dalam gle , cinta seutia

Bungoeng dahlia,  karhoet bak tangke
Hana meuyuem le,  tanle harega
Keupue lom guna , pawoen meurante
Menyoe simelekete , kalheh goep cuca

Nuraka tujoeh,  dinda boeh hate
Buet Rabbol kade , pintoe geubuka
Keu sinpenzina , yang pubuet  jahe
Yang tan seumike,  kepada dausa

Bagah ta taubat,  bek meuriwang le
Dalam buet jahe,  bek le meugisa
Nyan keuh pinta lon , Meuyang  terakhe
Tanyoe boeh hate , ohnoe meumada

Han pue tapulang, pawoen meurante

Han pue seulangke, tapulang haba

Ka lon ikeulah, adoe boh hati

Han pue le pike, ulon han gisa