“ BOEH DRIEN EK GAJAH “

   Oleh : Adigitulhoh
==========================================
DARI PADA TADUEK KEGOEP TAPEGAH
HANA FAEDAH YG NA MEUDAUSA
NYOPAT NA BACUT NEUTULOENG PEGAH
NYOE MASA ALAH HUKOEM AGAMA

NA SABOEH BOEH DRIEN JI UET LE GAJAH
BAN SABOEH LEPAH MEUTHEN PIH HANA
LHEHNYAN SAKET EK DI TGK GAJAH
BOEH DRIEN MEUTUWAH JI TUBIET TEMA

MANTOENG LAGE SOET HANA MEU UBAH
DUROE TAN PATAH MEULABOE YG NA
PAKIBAN HUKOEM BOEH DRIEN EK GAJAH
MENYOE LHEH TARAH TAPAJOEH TEMA

TENTE TAPAJOEH WATE LHEH TAPLAH
BEK SALAH2 NEUPHOEM MAKNA
BEK JEUT KEDAWA LON NEPESALAH
BOEH DRIEN GOLOM PLAH KIBAN TARASA

PUEKEUH NA HAREM GURE METUWAH
BOEH DRIEN EK GAJAH PUEKEUH NA DAUSA
PAKIBAN HUKOEM GURE MEUTUWAH
NETULOENG PEGAH WAYA SYAIKUNA

MUNGKEN NA HADIS NGOEN FIRMAN ALLAH
NEUTULOENG SURAH NEPEUPHOEM MAKNA
BUKOEN LON NAK TES GURE MEUTUWAH
NYOE MASA ALAH KENOEN LON JAK BA

TAPI LON TANYOENG NYAK MEUFOM SURAH
LON DENGOEN ALLAH MANGAT BEK DAUSA
TAKOET SALAH BUET OEH LON GRAK LANGKAH
HOKOEM BOEH DRIEN EK GAJAK LON TUOEH HANA

MAKLUM LON JAK BEUT YOEH MANTOENG MIRAH
GURE METUWAH YOEH MANTOENG LON TK
LON JAK SIKULA HANA KULIYAH
DIMAK NGOEN AYAH HANA BEULANJA..

=================o0o===============

Bak tapeugah Goet ta em droe, hana rugoe hana laba
bak ta em droe goet tapeugah, yang meufaedah ngoen meuguna
=======================================
Alhamdulillah, surah lon meuproe

yang tanyoeng adoe, lon jawueb sigra
boh drien ek gajah, yang tanyoeng adoe
hukom jih meunoe, pendapat yangna

Hukom jih meukroeh, pajoeh hai adoe
boeh drien nyan bunoe, meukhuen ulama
ladum kheun haruem, hukom hai Adoe
Meuban dua nyoe, dasar pih jih na

lage terjadi, kupi lawetnyoe
luwak hai adoe, jiseuboet nama
haruem ngoen meukroh, gohlom seuleusoe
goeh putoh taloe, pale ulama

Meunan sit macam, keu boeh drien bunoe
gohna hai adoe, fatwa ulama
Hadis Fireuman, didalam halnyoe
yang khusus keunyoe, ka meuhat hana

Tapi ngoen kiyas, geubahas buetnyoe
terserah adoe, meutoh yang suka
meunyoe yang pasti, hukom hai adoe
Tatanyoeng keudroe, nibak Rabbana

 ( Tgk Diyueb Bruek )