“ MACAM MACAM PALEH “

====================================

Paleh Inoeng, jiteumanyoeng, oh woe lakoe

Paleh lakoe sipat kuah, pileh asoe

Paleh Raja,  jipeucaya beurangkasoe

Paleh Rakyat, ji meu upat juet juet sagoe.

Paleh Umoeng, lhoek teungoeh hana Asoe

Paleh raja geuboh keurajeun
Paleh ureung geuboh bangsa
Paleh sagoe meuleuhob gampong
Paleh jurong hana meupeutua

Paleh inong hana lakoe
Paleh nanggroe zalem raja
Paleh gasien hana hareukat
Paleh kaya hana hemat

Paleh bruek u hanjeut keu aweuk
Paleh situek hanjeut keu tima
Paleh awee hanjeut keu taloe
Paleh lakoe han sakon guna

Paleh krong hana asoe
Paleh peutoe keumeukab ija
Paleh umong hana ateung
Paleh ureung hana agama

Paleh on hana meupureh
Paleh wareh hana meuhaba
Paleh dike galak teumuleh
Paleh rakan hana dimakna

Paleh tuha geuboh tungkat
Paleh tukang geuboh seunipat
Paleh teungku geuboh ayat
Paleh meukat geuboh keunira

Paleh umong cot teungoh geuboh asoe
Paleh inong geuteumanyoeng ban woe lakoe
Paleh agam sipat kuwah bileueng asoe
Paleh raja geupeucaya barang gasoe

Paleh rakyat geumeu upat rata sagoe
paleh dikee meuen fesbuk malam ngoen uroe

Sumber : Laksamana - Aceh Forum Community