"JASA KEU ULAMA"

   Oleh  : SULAIMAN.A.GANI

===============================
Deungoen Bisminlah, lon puphoen surah

Lon pujoe Allah,  Sidroe  yang  Esa

Neubri  Tuhanku, hate lon beuglah

Hajat lon kisah, jasa  ulama

 

Seulawuet saleum, keu Rasulullah

Yang ba risalah, keu umat  dumna

Yang bri syafaat, di mizan  Allah

Laen bandum sah, syafaat  hana

 

Assalamma’laikom, saleum ulon sah

Ummi ngoen ayah, duson ngoen Banda

Samboet saleum lon, rakan meutuah

Nyoe  pat mudah, saboeh  Mustika

 

Jasa ulama , hajat lon peugah

Pakriban ulah, geupimpin bangsa

Geupimpin rakyat,seuramoe  meukah

Bek roeh buet salah, deungoen buet dosa

Nanggroe aceh nyoe,  seuramoe meukah
Nanggroe meutuah,  pusaka kaya
Ramee ulama , teungku di dayah

Peudoeng syariah,  hukoem agama

Geupeubeut nahu,  jawoe ngoen fikah
Eleumee allah , meumacam rupa
Lam perjuangan,  geulet penjajah
Ulama dayah,  raya that jasa

Taliban rakyat,  jihad masanyan
Tapi digoebnyan , tuntuet merdeka
Meunyan geupeugah,  asoe al-qur'an
Surat yang awam , sumpah seutia

Ibarat bintang,  dilanget manyang
Cahya trang bandrang,  keunoe udonya
Meunan keuh tames,  wahe hai rakan
Eleumee gobnyan,  leupah le guna

Pakoen masa nyoe, kale takeubah
Ulama dayah , kureung tanitna
Hana tapakat,  lam musyawarah
Soe keuh yang peugah, salah ngoen beuna

Meunyoe ulama,  katapeugabeh
Geutanyoe aceh,  jadeh binasa
Seubab ulama.  ureung teuleubeh
Lam hadih saheh,  warisatul  ambia

Takdem keu gure, geubri  ijazah

Takden keu nam bah, tatueng pusaka

===============================