Pages


Jumat, 06 Desember 2013

“HIKAYAT CALITRA TICEM HUD-HUD NABI SULAIMAN ngon BERAGOE PUTROE BULUKEH”


=================================================
Lon pujoe Allah,  bak awai mula,
Lon keumeuk rika,  bacut khabaran.
Rahmat neusipreuk,  akan baginda,
Khatam ambiya , Pang ule Alam

Ulon troh keunoe,  wahe saudara
Lon layang rika , seubab meuhutang.
Bunoe aneuk miet,  payah lon bina,
Ulon peu ija,  jibeut Quru an.

Sigra tatamoeng,  dalam acara,
Hikayat calitra,  ticem sulaiman.
Lon lakee meu’ah,  hantom biasa,
Pat  salah rika , teugah beurijang.

Deungoe Lon seboet,  bacut calitra,
Cicem jroeh rupa,  nyang po Sulaiman.
Nyan cicem HUD-HUD,  gesebut nama,
Cit troh that mata,  nebri le Tuhan.

Meng ie lam tanoh,  jitu 'oh mita,
Peukara  Negara,  bandum jituban.
NABI SULAIMAN,  menan biasa,
Cicem nyan geuba,  ho-ho berjalan.

Nibak siuroe , menoe calitra,
Nabi neubungka,  ngoen rakyat sajan.
Ateeh hamparan , Tuhan karonya,
Didalam hawa,  laju berjalan.

J iba lé angén , me-én lam hawa,
Jampang neubungka,  biasa menan.
Meungka nemeung troen,  bak duson banda.
Pioh sikada nibak,  tempat nyan.

'Oh ban melayang,  hamparan Raja,
Jimarit sigra,  sidom disinan.
Diraja sidom,  jidoeng bicara,
Lagee geunyata , dalam Quru an

Wahe dum sidom, jak tamoeng sigra,,
Lam eumpung gata.  maséng atoran.
Jeh Nabi Allah,  singgah bak data,
Ngoen balatantra,  ramé mekawan.

Tatamoeng reujang,  bek jan troeh bahya,
Jigidoeng gata,  teuntra Sulaiman.
Tanna jitupue,  tan ji-eu gata,
Bukoen jisaja,  pakri tapaham,

Bangsa geutanyoe,  ka meunoe rupa,
haloeh anggota , pueneujeut Tuhan.
Sidom jimarit , keubit lagoena,
Dengoe suara,  ubak Sulaiman .

Nabi teuseuheh,  rumeh ie muka
Deungoe suara , sidom lam padang.
Dalam Quru an , Firman Rabbana,
Fatabassana,  teuma Lahika.

Teuma geupi'oh,  ka troen kutika.
Watee ka 'Asa,  keumeung seumbahyang.
Rakyat pih ka grah,  lepah that dahga.
Nabi yue teuka,  cicem bak reujang

Keumeung tanyoeng ie,  lagi ka 'Asa,
Seu ot le sira,  ulee lam kawan
Hud-hud ka jipoe,  han mehoe jangka
Kedeh lam rimba,  loen ngieng melayang.

Nabi tesengeh,  beungeh jiteka,
Nekheun neuseksa,  'oh troeh jiriwang,
Sabab jilari,  Ion sie 'oh gisà,
Meng hana jiba,  haba benaran.

Teuma keu hud-hud,  mesebut haba,
Udalam hawa,  jipoe melayang.
Nibak jipoe-jipoe,  sidroe lam hawa.
Meuteumeung sigra,  beragoe sinan

Ticem beragoe , jinoe meuhaba,,
Pane ban gata , meng soe geuboh nan.
Ulon nyoe hud-hud,  geuseubut nama,
Nyang poe Ion teuma,  Nabi Sulaiman.

Teuma beuragoe,  keudroe calitra,
Beuragoe teuma,  uloen geupeunan.
Nyang poe ulon nyoe , cit Putroe muda.
BELUKEH nama,  lagi rupawan.

Luwah keurajeun,  mideun astana,
Gobnyan keuh Raja,  luwah jajahan,
Teuma beuragoe , meunoe meuhaba.
Bak hud-hud teuma,  ka jiyue padan.

Saré tameu-én , lam angén hawa,
Tajak syeedara,  gampoeng lon tuan
Tajak meung siat,  tatupat banda
Nanggroe nyoe kaya,  makmu makanan.

Takaloen keudroe,  beutoe ngon mata,
Tadeungo haba,  hana that simban
Takaloen gampoeng,  duson ngon kuta
Mideen astana,  ngon Putroe sajan.

Meunan beuragoe,  bako meuhaba,
Di Hud-hud teuma,  jikheun pakriban.
Pakriban Ion jak,  jarak lagoena
Kadang jiteuka,  beungeh Sulaiman

Seubab di uloen,  muphoem sikada
Meung ie lon mita,  watee seumbahyang.
Ie  dalam tanoeh , lon tu 'oh mita.
Loen peugah tanda,  jikueh Iee syeetan.

Beragoe peugah , bek susah gata,
Han mubahya , watee tariwang.
'Oh watee tawoe,  tapuwoe haba,
Peugah calitra,  nyang ka tapandang.

‘Oh ban tapeugah,  seujarah bungka,
Ureung poe gata,  jiteuka senang.
Beuragoe ceudah , bak peugah haba,
Dihud-hud hawa,  keumeung jak pandang.

Ka jadeh pakat,  berangkat sigra
Laju bandua , jinoe teureubang.
Laju jisama,  hana pue kira.
Tuju bandua,  kedeh u Yaman.

Bandua saban , teureubang lanja,
Didalam hawa,  meulayang layang.
'Oh ban sare troeh,  piyoeh Ie sigira,
Ubak astana,  Putroe rupawan.

Bandum jikaloen,  han toem na nyangka,
Gampoeng ngoen kuta,  bandum jipandang.
Nyan Nanggroe Saba’k,  meusigak rupa,
Raja pih muda,  luwah jajahan.

'Oh habeh muphoem,  bandum peukara,
Jilakee gisa , dihud-hud reujang.
'Oh ban troeh jiwoe, bak jipoe bungka,
Bak Nabi sigra,  jipeutoe reujang. 

Lagee lam ayat,  nyoe pat neubaca
Tentang peukara,  hud hud Sulaiman
Nabi Sulaiman , yoeh nyan meuhaba,
Lam lhe  peukara,  keu kah ganjaran.

Sabab ka kaplueng,  meuteumeung seksa,
Teuma kedua , Ioen sie Ioen panggang.
Teuma nyang keu lhee,  bak tentée haba.
Pakri berita,  hoe  ka teureubang.

Hud-hud jiseot,  leumboet suara,
Lagee nyang ka na , dalam Keuruan.
Hud-hud jimarit,  tebiet ie mata,
Meu'ah sigala,  keu  uloen tuan.

Ka roeh telangsong , diloen lam hawa,
Hana Ioen sangka , ka laen midan
Ka laen nanggroe,  Putroe ka Raja
Beulukeh nama , keubit rupawan

Rupa that ceudah,  indah cuaca
Astana raya,  hireun loen pandang
Di nanggroe saba’k,  lagak that kuta
Rakyat jeulata,  makmu makanan,

Putroe rupawan,  tunangan goeh na
Mesyehu nama , siluron alam
Rakyat lam nanggroe,  pujoe beurahla
Mata uroe teuma,  ka jimeu Tuhan

Sinan keuh bacut , ka jeut metuka
Tentang agama,  jisetoet syeetan
Menan dihud-hud,  seuboet calitra
Neumarit teuma,  Nabi Sulaiman

Kadang beurakah,  kapeugah haba,
Jinoe kaci ba , surat lon tuan.
U nanggroe Saba’k,  kajak ba sigra,
Kajoek bak Raja,  surat kireman

'Oh kajoek surat,  si at kasaba
Ka kaloen cara,  pakri jipadan.
Pakri jipakat , keu surat teka,
Kadoeng coeng bara,  dengoe habaran.

'Oh ka Iheuh muphoem,  bandum sigala,,
Baro ka gisa , keunoe kariwang .
Hud-hud beurangkat,  leugat lee sigra
Surat ka jiba,  jipoe lam awan

Melayang-layang,  lam awan miga,
Bak Putroe muda,  hadap tujuan.
U bak Belukeh,  kédeh jihala,
Lam awan miga,  jitroen meulayang

Jitakat laju,  tuju astana.
Surat nyang jiba , jitiek le reujang
Teuma Belukeh,  teukeujoet raya,
Surat ka teuka,  ureung ba katan.

Ureung han meusoe, jinoe leh hoka,
Susah jiteuka , Belukeh yoeh nyan
Tan meri nanggroe , han mesoe Raja
Lagee nyoe cara,  hekeumat tajam.

Saleh peu untoeng , keu Ioen mubahya.
Menan teurasa , nibak pikiran
Saleh jeut keu prang , meuguncang donya.
Kadang agama,  jikeumeung tawan

Rasa teukeujoet,  ka rhoet ie muka
Surat geubaca , laju lee reujang
Lheeh baca surat,  geurapat sigra.
Dum Raja-Raja,  ngoen uléebalang.

Di Palistina,  na sidroe Raja
Geuseuboet nama,  Nabi Sulaiman
Sideh nanggroe syam,  sinan mekuta.
Surat ka teuka,  ubak loen tuan

Geukheun droe , Nabi lagi loem Raja
Geutanyoe dumna,  geuyue meu iman
Geuyue Eselam,  agam ngoen dara
Meuhan mubahya , nanggroe nyoe geuprang

Meunan lam surat,  meuseuboet haba
Pikee lee gâta,  hé ulee balang.
Cuba meupakat,  kee surat teeka,
Hé Raja Raja , piké bak reembang.

Bek teulah dudoe,  getanyoe dumna
Keu surat teeka,  beugoet tatimang.
Teuma meupakat,  leugat le sigra,
Peubulat haba,  laju lee reujang.

'Oh lheuh meupakat,  ka bulat haba
Kepala teuntra,  jimarit reujang.
Ampon tuauku,  ban meulu Cina
Surat yang teuka,  ka lheuh meutimang. 

Ka lheuh meupike,  ubee sikada,
Ka lheuh mekira,  laba dengoen tan.
Menyoe  bit geuprang,  talawan saja,
Ta atoe teuntra,  laju bue reujang

Kamoe nyoe bandum,  cit ureung teuga,
Cit lam biasa,  menyoe bak muprang.
Hana teumakot,  teu-ot han geunta,
Beuthat beuraya , Raja nanggroe nyan.

Taloe ngoen meunang,  tatimang lusa
Menyoe geuteuka,  keubit talawan
Seubab lam surat,  brat geumeuhaba
Teuntang agama , geukeumeung Buang

Agama endatu geyue peuhana
Ka troh bak masa tabuka pandang
Han jeut ta-im droe jinoe meukuta
Gadoh agama nyawong bah hilang

Dum nan bak kamoe , jinoe sikada
Bak poe meukuta,  jinoe neutimang
Putroe Belukeh,  'areh lagoena
Geumarit sigra , didalam kawan

Menyoe tamuprang,  ka trang mubahya
Menyoe sangkira,  goeb nyang menang
Soe-soe meupangkat,  ka meuhat hina
Cit menan cara , tanyoe taloe prang

Nanggroe pih jitueng,  ureung ji seksa
Nyang Raja-Raja , tamoeng tutopan
Han peu tapeugah,  leupah seungsara
Cukoep deurita,  meunyoe talawan

Lagee lam ayat,  nyoe pat neubaca
Kalam Rabbana,  Fireuman Tuhan
Taba peuseumah,  hibbah ke Raja
Sireutoeh unta,  deungon meuh intan

Ureung utosan , nyang supan haba
Tapiléh sigra , jinoe bak rijang
Siribee rakan,  agam ngoen dara
Dijak peunyata , keudeh nanggroe Syam

Ureung nyang cakap , meunhadab Raja
Hadiah jiba , ngoen meuh mehtuang
Masa nyan kaloen,  jeut gloeng keu tanda
Menyoe kon Raja,  hibbah geupulang 

Menyoe gepulang,  barang nyang taba
Ka sabet beena,  Rasul bak Tuhan
Ka nyoe nyan Nabi,  ta ungki bahya
Masa nyan sigra,  keudroe loen datang

Uloen jak keudroe,  paloe bek teuka
'Oh ka jigisa,  singoeh utosan
Menyoe ka geetueng,  bandum yang taba
Ka teuntée Raja,  koen Rasul Tuhan

Tajoek hadiah,  leupah geumbira
Cit adat Raja,  nyang meunan macam
Menyoe nyoe Nabi,  geke-ih lanja
Menyoe nyang Raja,  laju peureulan

Menyoe bit geutueng,  bulueng nyang taba
Hana Ioen teuka,  keudeh nanggroe Syam
Hana uloen jak , menyoe bak Raja
Ta ato teuntra , jadeh tamuprang

Jadeh talawan,  pajan nyang teuka
Menyoe nyoe Raja , geutanyoe meunang
Beu that mupangkat,  deurajat  raya
Beuthat lee teuntra,  jadeh talawan

Han peu tatakoet,  teu-ot bek geunta
Pesaka bak ja , mantoeng loen simpan
Beuthat barangsoe,  beuhoe ngoen tega
Menyoe nyang Raja , akan meutimphan

Meunan keuh macam,  ragam keu tanda
Beujroeh tajaga,  wahee utosan
Meunan Beulukeh, peuhabeh haba
Utosan sigra,  laju beurjalan

Beudoeh beurangkat. leugat lee sigra
Keudeh bak Raja , beurangkat u Syam
Ureung siribee, teuntée ka bungka
Pasang ngoen guda, uroe ngoen malam

Uroe ngoen malam,  sagai tan reuda
Jarak benua,  akan beurjalan
Ureung beurangkat,  ka teutap haba
Hud-hud coeng para,  jipoe lam awan

Bunoe jimeusoem,  jikaloen cara
Jideungoe haba,  sigala macam
Haba mupakat, keu surat teuka
Rapat dum Raja,  ngoen uleebalang 

Habeh jitukri , takwi ngoen cara
Teuntra rahsia,  ngoen cara muprang
Jiphoe that bagah,  leupah geumbira
Bak Nabi sigra,  laju ji datang

Habeh jipeugah, kisah calitra
Utosan kana,  jinoe bak jalan
Keu Nabi Allah,  Hadiah jiba
Sireutoeh unta , deungoen meuh intan

Nabi Sulaiman ,yoeh nyan meuhaba
Geu atoe sigra, sigala macam
Binatang laot,  eungkot ban nyang na
Ba mutiara, seureuta intan

Ngoen zabarjad, nyang brat hareuga
Yakoet pi bak na, deungoen belian
Teuma kawoem jen,  laen keureuja
Mèuh geuyue mita, bak jen ngoen syeetan

Bandum ka meh moeh, beudoeh jak mita
Pakri nyang sabda,  jipubuet reujang
Meuh  kameutamoen,  takaloen nyata
Bandum habeh na , sigala macam

Lheuh nyan lé bagah, perintah sigra
Jalan yue buka,  roet jak utosan
Yue turab ngoen meuh,  peungeuh meucahya
Lheung-lheung sibanja,  atoe ie intan

Meuh nyang meucak,  jitak ke bata
Atoe mubanja,  turab bak jalan
Geuturab jalan,  meusigak rupa
Tangieng cuaca,  biet-biet berlian

Sikureung persah , peuneugah 'ulama
Dua uroe na , adak ta jalan
Ngoen kilomete , meuteuntee jangka
Tujoeh ploeh tiga,  sidum nan panyang

Dum nan keuh jarak,  nibak astana
Keubit nyoe kaya,  Nabi Sulaiman
Binatang lam glee,  neupangge lanja
Rumueng ngoen singa,  gajah pih sajan

Eungkong ngoen rimbee,  cagée deungon kra
Binatang paya,  merua bubrang
Ticem lam uteun,  bandum ka teuka
Sigala nyang na , bangsa teureubang 

Geu atoe laju,  lucu ngoen gura
Meujeumba-jeumba,  méukawan-kawan
Dikawan pih , leupah raya
Kawan raja kra,  ka saboeh padang

Dikawan rimueng, teudoeng mubanja
Teuma disinga , meunan cit macam
Dikawan uleu,  ta-e dum raya
Teuma meurua,  ceurape musang

Hana ek habeh,  tatuléh rata
Binatang rimba,  lee that pue macam
Meunan keuh macam,  ragam dum cara
Binatang rimba,  yue preh utosan

Jipreh utosan,  binatang rimba
Teudoeng mubanja,  gura tapandang
Jamee yang jeuoh,  katroeh jiteuka
Meureuntang banja,  bandum utosan

Ureung Beulukeh,  ka habeh teuka
Tahee teupula,  jingieng binatang
Jikaloen kadhoe,  dum asoe rimba
Mubanja-banja,  jroeh that atoran

Si akan bingoeng,  teudoeng teupula
Babah teubuka,  kaloen boh mancang
Meunan keuh tahee,  sang bante rimba
Hantoem biasa,  jingieng nyang meunan

Jikaloen dum meuh,  peungeuh meucahya
Jarak lagoena,  geuturab jalan
Teuma berlian,  intan mulia
Di mutiara,  cahya geumilang

Teuma  'oh lheuh nyan,  reujang lee sigra
Meungadap Raja,  Nabi Sulaiman
Geujoek hadiah,  peugah ngoen haba
Kirëman Raja,  Putroe rupawan

Nyoe meuh di Saba’k,  jarak kamoe ba
Harab meukuta,  teurimoeng reujang
Keu bungoeng jaroe,  Putroe jroeh rupa
Laen pi hana,  cit meuhat badan

Cit badan bulat,  daulat meukuta
Kamoe meuhaba,  pih hana reumbang
Di Nabi Allah,  bagah meuhaba
Hadiah gâta , pujoe ke Tuhan 

Meuh nyang di Saba’k,  yang jarak taba
Puwoe bak Raja,  keudeh tapulang
Sinoe bak uloen,  megedoeng pih na
Tangieng dilua,  dum meuh teupasang

Dum meuh ngoen intan , bak jalan raya
Sideh dilua,  koen ka tapandang
Meuh yang meukrak , nyang meucak pi na
Meugunca gunca , dalam beurandang

Hadiah Raja , peugisa teuma
Sabab sinoe na , meukuyan-kuyan
Tema 'oh dudoe , Ioen peutoe haba
Utosan gisa , laju le reujang

Geulakee langkah , geupeugah gisa
Horeumat Raja,  adab ngoen supan
'Oh troeh u nanggroe,  ban geuwoe bungka
Keudeh bak Raja , geuhadap reujang

Ubàk Bulukeh,  keudeh geuteuka
Jak peugah haba,  berita di Syam
Utosan bandum,  tamoeng astana
Jak hadap Raja,  geuba khabaran

Ampo tuanku , laju meuhaba
Kamoe nyang bungka,  katroeh meuriwang
Ka lheuh meuhadap,  daulat bak Raja
Ka lheuh meuhaba,  sigala macam

Meung meuh hadiah,  payah bak taba
Geyue peugisa,  keunoe peuriwang
Sabab lee bak droe , kamoe peunyata
Bak jalan raya , geu atoe intan

Kebit nyoe hebat,  teumpat di Raja
Ngoen meuh silingka,  turab halaman
Geuturab jalan,  panyang lagoena
Bandum meucahya,  dengoen meuh intan

Goebnyan pih gagah,  ceudah that rupa
Kadang koen Raja,  keubit andalan
Hireun tapandang,  binatang rimba
Meubanja-banja,  maseng pasukan

Gajah ngoen rimueng,  bandum jiteuka
Badeuk dengoen kra , buya ngoen bubrang
Teuma diticem,  laen loem banja
Tahee teupula , 'oh kamoe pandang

Utosan peugah,  jikisah haba,
Habeh geuruca , sigaia macam
Putroe Beulukeh , hireun lagoina
Geudeungoe haba , nibak utosan

Lheuh nyan geupeugah,  bagah lé sigra.
Ka nyoe koen Raja,  meunyoe lagee nyan
Koe nyoenyan Nabi,  taungki bahya
Suroeh Robbana,  udalam alam.

Uloen jak keudroe,  jinoe peunyata
Loen ngieng ngoen mata,  bek jeut keu waham
Putroe Beulukeh , ka habeh haba,
Peurintah teuma,  ubé jajahan


Laju peurintah,  ngoen bagah sigra
Yue atoe tantra,  ngoen rakyat sajan
Nyang meugah-meugah,  ngoen gajah raya
Dua ribee na,  ka dengoen kandraan.

Teuma nyang laen,  maseng ban kada
Tantra meuguda,  saboeh pasukan
Baresan dikeu,  maju panglima
'Oh lheuh nyan teuma,  Putroe rupawan

Dilikoet Putroe,  metaloe Raja
Likoet nyan teuma,  dum uleebalang
'Oh lheuh nyan meuhat , rakyat jelata
Teuma loem tantra,  maséng pasukan

Keubit nyoe rame,  geume seureuta
Jak peungoen Raja,  putroe rupawan
Geupeungui gajah,  ceudah lagoina
Gajah yang Meunta,  Beulukeh kandraan

Peureumadani,  meusen di sutra,
Gajah yang raya,  nyang ulee kawan.
Ngoen peulana meuh,  pengeuh meucahya
Atoe silingka,  intan berlian

Laju beurangkat,  ka siap tantra
Geukirérn haba , untoek Sulaiman
Ticem beuragoe,  nyang puwoe haba
Surat geuyue ba , keudeh nanggroe Syam.

Haba lam surat,  beurangkat Raja
Meunan berita , neubri khabaran
Ticem beuragoe,  Putroe peulahra
Troeh that mata,  dumpue jituban 

Urosan nanggroe,  beuragoe pi hna
Jitu 'oh cara,  sigaia macam
Ticem hekeumat,  mupe'at raya
Lagi seutia , beuthat binatang

Nyoékeuh beuragoe , dudoe bahgia
Teumpat syeruga,  peuneugah meunan
Jinoe meusyeuhu,  meutabu haba
Beulukeh Raja , keumeung jak u Syam

Ureung ka jitroen,  dusoen ngoen banda
Keumeung eu Raja,  meugah rupawan
Raja pih tari,  lagi ngoen muda
Geumat neuraca,  luwah jajahan

Tema 'oh lheuh nyan,  meunan calitra
Syeetan meuhaba , deungoen Sulaiman
Keudeh bak Nabi,  dijak bri haba
Bulukeh cidra , jikheun lee syeetan

Gaki Bulukeh , sang  ube unta
Bulee silingka , beuteh pih panyang
Ngoen beuteh keuleude,  ka tentée sama
Beuthat jroeh rupa, citdra didalam

Lagee nyan macam , syeetan peuhaba
Geupeugoet cara,  di Nabi reujang
Geyue kueh kulam,  reujang lee sigra
Dileun astana,  peut sagoe timang

Peugoet jambatan,  bak kulam raya
Beulukeh teuka,  titi ateuh nyan
Teuma ke alue , ta-ue get rupa
Ceureumen raya,  alue jambatan

Binatang uteun,  bandum ka teka
Jidoeng mubanja , maseng atoran
'Oh habeh siap,  leungkab sigala
Troeh lee haba,  ubak Sulaiman

Jikheun Beulukeh , sideh ka teuka
Ngoen bala tantra,  mantoeng di jalan
Hanjan coet uroe , keunoe ka nyata
Menuroet kira,  nibak loen tuan

Nabi Sulaiman,  reujang meuhaba
Neukheun Iee sigra,  bak jen ngoen syeetan,
Astana meuligoe,  Putroe jroeh rupa
Soe keuh nyang ek ba,  keunoe beurejang
Meuligoe Saba’k , tagrak le sigra
Keunoe beutaba,  peudoeng bak kulam
Di Jen apeuret , jimarit lanja
Lagee nyang ka na , dalam Quruan

Di Jen Apeuret e, jimari tsigra
Meuligoe raya , bah uloen gulam
Ek uloen grak , di Saba’k Ioen ba
Loen pedoeng lanja,  dibineh kulam

Entreuk coet uroe,  keunoe ka nyata
Neungieng mubanja,  loen peudoeng sinan
Uloen nyoe kuat,  nyang ek uloen ba
Meuligoe raya,  bah uloen gulam

Geseot Nabi , geukeu-ih haba
Coet uroe taba , hanjeut lagee nyan
Sabab Bulukeh , sideh ka nyata
Katoe ngoen kuta,  teungoeh bejalan

Menyoe coet uroe,  katoe lagoena,
Bulukeh ka na,  keunoe u dalam.
Ka troeh udalam,  sajan ngoen tantra,
Ka jingieng nyata , cara tagulam.

Yoeh goeh loem putroe ,keunoe troeh teuka
Meuligoe kana , sinan tapancang.
‘Oh telheuh Nabi , geukeu-i haba,
Jen nyang raya,  jiseuot reujang.

Dalam Quruan,  Tuhan calitra,
Ayat mulia,  neubaca reujang
Se ot nyang laen,  jen nyang raya,
Aneuk Barkhia , Asah geuboeh nan

Seuot di Asah,  bagah muehaba
Bahlee uloen ba , loen peuteureubang,
Hana treb lambat,  siat uloen ba,
Duengoen meeleeha,  Nabi Sulaiman.

Sapeu han cacat , sapat han rungga.
Rhoet dalam hawa,  loen ba lam awan.
Alat hiasan,  dalam astana,
Cit han meutuka,  sapue han renggang.

Binteh mantoeng krab,  ban nyang na.
ie lam peudeuna , pih han meuguncang.
Rinyeun yang luah . han ubah jangka.
Pakri nyang cara,  peuneuduek tukang. 

Jinoe loen lakee,  meuribee pinta,
Nabi peut mata,  siat neu peujam
Dalam masa nyan,  uloen keureuja,
'Oh nebleut mata.  ka na teupancang.

Nabi Sulaiman,  yoeh nyan pet mata,
Ngon siat sahja,  neubleut lee reujang
'Oh ban neukaloen,  teudoeng astana,
Pujoe Rabbana , syukoer keu Tuhan'.

Meuligoe tari,  lagi ngoen raya,
Ngoen meuh meurika,  meutindeh intan.
Dinanggroe Saba’k,  jarak lagoena,
Kenoe troeh jiba , ngeon siat reujang

Hana meung reunggang , timang ban nyang ka.
Bacut tan cidra,  hana meu irang.
Meuligoe Putroe , puphoe lam hawa,
baboh calitra,  keudeh rhoet dalam.

Rhoet dalam bumoe,  keunoe troeh jiba
Bak tempat Raja,  Nabi Sulaiman.
Dum nan di Asah,  cedah bak jiba.
Deungoen teunaga,  ismul A’dham.

Putroe Bulukeh , sideh ka nyata
Tantra meuguda,  ngoen tanra jalan
Teuma dirakyat , ramee that geuba,
Meurentang banja,  katoe halaman

Bulukeh geujak,  arak ngoen tantra,
Ka troeh lam kuta,  Nabi Sulaiman.
'Oh ban geukaloen,  hana nyang ka,
Binatang rimba , meukawan kawan-

Tahee di Putroe,  bagoe geuputa,
Gengieng dum cara,  lee that peu macam.
Teurimoeng jamee,  teuntée nyang pinta _
Geusamboet sigra,  Putroe rupawan.

Pintoe geureubang , teuntang astana,
Raja ngoen tantra,  tamoeng lee rejang.
Tamoeng udalam,  reujang lee sigra,
Rhoet titi kaca,  laju berjalan

'Oh ban neutamoeng,  bingoeng jiteuka,
Neungieng astana , dibineh kulam.
Akan meligoe,  loen po ka nyata
Pane tenaga,  kenoe jigulam

SYAM deungoen SABA’K,  jarak lagoena,
Pakriban geuba,  hoe rhoet geujalan.
Meunan geupike,  geulahe hana,
Nyum malee mata,  dengoen Sulaiman.

Ceudah hekeumat , nekmat meuganda,
Sakti pih raya,  hana ngoen lawan,
Seudang binatang,  yang dalam rimba,
Ek  bisa geuba , keunoe lam padang

Pakri  jitemtroen,  bandum sigala
Rimueng ngoen singa,  ticem meukawan
Ngoen meuh meuturab,  dipat geumita
Bak jalan raya,  jeuoh geupasang

Panee berlian,  intan meutia,
Ngoen mutiara,  atoe bak jalan
Dum pue lat batat,  dapat sedia,
Han sapat ceula , watee tapandang.

Dang-dang meurawe,  hate lam dada,
Hana geusangka,  ka troeh bak kulam.
Ka troeh bak titi,  sang ie dimata,
Silak ngoen ija,  keumeuk jeumeurang.

Bulukeh geujak,  geusilak ija,
Sabab geusangka,  tamoeng lam kulam.
Hana geutupeu,  ka alue kaca,
Ceureumen raya,  alue jambatan,

Ceureumen ngoen ie,  han meuri bida,
Saban that rupa,  sabab uroe trang.
'Oh ban jab gaki , meuri teurasa,
Diateuh kaca,  koen dalam kulam

Teuma di Nabi,  peurahti sigra,.
Dalam astana , neuduek neupandang
Silap Bulukeh,  beuteh ka nyata
Malee neuh raya,  keunoeng tipuan.

Keunoeng hekeumat,  silab bak mata,
'Oh salah sangka,  beuteh goeb pandang.
Jan keumeung malee,  han tentée jangka
silap ngoen mata,  salah ngoen waham

Nabi neuteupeuka, ka neu-eu nyata.
Koen lagee haba , jiba lee syeetan
Piteunah syeetan,  masam dum jiba
Jinoe ka nyata,  kadeuh neupandang

Putroe Bulukeh,  beuteh tan cidra,
Teuma ngown rupa,  pih jroeh andalan.
Seun-seun sitapak,  geujak bak Raja,
Keuleureng mata , kiri ngoen kanan

Geukaloen teumpat,  hibat lagoena,
Saleh kri rupa,  NABI SULAIMAN ?
Tamoeng lee reujang , dalam astana,
Dendayang kana,  teupreh disinan.

Gesamboet Putroe,  meubagoe cara,
Ban adat Raja,  nibak masa nyan.
Ranub meurungkhe , batee meutia,
Ranub meucula , didalam puan.

Ranub meubungoeng,  teudoeng teupula
Dalam ceurana , bungoeng meusulam.
Ureung nyang rancak,  bijak meuhaba,
Putroe geusapa,  laju lee reyjang.

Geumat bak jaroe,  Putroe jroeh rupa,
Peuduek bak tanta,  hadap Sulaiman.
Laju meuhadap,  leugat lee sigra,
Nabi meuhaba,  nemula kalam.

Tanyoeng meuligoe,  soe po dilua,
Nyo atra gata,  nyang bineh kulam ?
Nyoe gata poe,  meuligoe raya,
Ngoen meuh meurika,  meutitek intan.

Bulukeh seu ot , geusamboet haba,
Ampon meukuta,  jeumala 'alam.
Meuligoe sinan , katrang ngoen nyata,
Si akan rupa , atra loen tuan.

K treb meuhadap , rapat ngoen Raja,
Geupeugah haba,  sigala macam.
Tantra ngoen rakyat,  meuhat dilua,
Putroe ngoen Raja,  teungoeh meukalam

Teungoeh geumarit,  nyang keubit haba,
Teungoeh calitra SABA’K,  deungon  SYAM.
Teuma 'oh ludoe,  Iorn puwoe haba,
Eseulam sigra , Bulukeh sinan

Tamorng Eseulam,  rakan nyang geuba
Ngorn bala tantra,  yang geuba sajan.
Teuma 'oh lheehnyan,  ka meunan kada,
Meukawen teuma,  deungorn Sulaiman

Ngoen Nabi Allah,  meunikah lanja,
Bulukeh suka,  hatee that seunang,
Gisa u nanggroe , ‘oh dudoe teuma
Jeut loem keu Raja,  geuba Eseulam

U nanggroe SABA’K,  meusigak AGAMA
Bulukeh Raja , makmu makanan.
Sibuleun sigoe,  gantoe geupeuna,
Dua negara SABA’K,  deungon SYAM

Sabee tieb buleen,  melhueng han toem na,
Lhee malam teema , geedoem nanggroe SYAM
'Oh lheeh lhee malam,  geuriwang teuma
Siumu masa,  sabee lagee nyan.

Meunan keuh,  laju si 'umu masa
BULUKEH teuka,  ubak Sulaiman.
Kisah BULUKEH , ka habeh haba,
Watee ka jula,  loen neuk eh malam
TAMAT

“ KIsah Nabi Sulaiman AS dan Ratu Bilkis “
=================================
Nabi Sulaiman adalah seorang nabi dan raja yang saleh. Allah memberi mukjizat kepadanya sehingga dapat memahani bahasa binatang dan menundukkan bangsa jin. Beliau sangat berwibawa dan ditakuti semua anak buahnya.

Suatu ketika, Nabi Sulaiman mengumpulkan seluruh tentaranya yang terdiri dari manusia, binatang, dan para jin. Mereka semua berkumpul memenuhi undangan sang Raja di balairung. Semua jenis binatang, besar dan kecil datang menghadiri pertemuan itu. Setelah semua diperiksa, maka Nabi Sulaiman mengetahui bahwa burung Hud-hud ternyata tidak hadir.

Sebenarnya burung hud-hud ini adalah mata-mata pasukan Nabi Sulaiman, yang bertugas mencari informasi sebanyak-banyaknya tentang apa saja yang patut diketahui oleh Nabi Sulaiman. Melihat keterlambatan burung hud-hud ini, Nabi Sulaiman terlihat agak jengkel sambil bertanya,"Di manakah burung Hud-hud, mengapa belum kelihatan. Padahal tugasnya sangat penting, yakni mencari sumber mata air baru." Melihat hal ini, semua pasukan yang hadir tidak berani menjawab.

Manakala Raja Sulaiman berhenti bicara, tiba-tiba burung Hud-hud datang. Tampaknya ia habis terbang jauh dan dengan kecepatan tinggi, hingga ia tersengal-sengal.

"Wahai Hud-hud, tidakkah kau sadari kesalahanmu. Apakah kau tidak tahu kalau sekarang aku mengadakan pertemuan? Tapi kau datang terlambat!"

"Ampun baginda raja. Sesungguhnya aku baru saja mengadakan perjalanan jauh sampai ke suatu negeri yang engkau tidak pernah mengetahuinya. Negeri ini bernama kerajaan Saba'. Kerajaan ini diperintah oleh seorang wanita. Keadaan negeri ini sangat makmur. Namun sayang, mereka menyembah matahari," kata burung hud-hud menceritakan pengalamannya.

Tetapi Raja Sulaiman tidak serta merta mempercayai kabar tersebut. Untuk membuktikan kebenaran dari ucapan burung hud-hud, Nabi Sulaiman menuliskankan surat, dan meminta burung hud-hud untuk mengirimkannya kepada sang ratu penguasa negeri Saba yang bernama Balqis. Karena untuk bisa sampai ke negeri Saba. burung hud-hud harus menerjang hembusan angin yang sangat kencang, maka burung hud-hud meminta kepada Raja Sulaiman untuk membungkus surat itu dalam sampul emas yang tahan terhadap angin. Dan akhirnya terbanglah burung hud-hud menuju negeri Saba.

Tibalah burung hud-hud di negeri Saba. Sesampainya di sana, diam-diam burung hud-hud menjatuhkan surat itu tepat mengenai kepala sang ratu hingga membuatnya terbangun. Ia membuka sampul surat itu dan membacanya.

"Surat ini dari Sulaiman dan sesungguhnya surat berbunyi,'Dengan Nama Allah, Maha Pemurah dan Maha Penyayang.' Bahwa janganlah kamu sekalian sombong terhadapku dan datanglah kepadaku sebagai orang-orang yang berserah diri." (QS An-Naml: 30-31).

Itulah kalimat awal pembuka yang ditulis Sulaiman. Selanjutnya sang Raja menambahkan untuk mengajak ratu Balqis untuk masuk Islam dan menghentikan cara ibadah menyembah matahari. Setelah membaca surat itu, Ratu Balqis mengadakan pertemuan dengan para menterinya, untuk membicarakan bagaimana menghadapi sikap raja lain yang berani mencegah kerajaan Saba' menyembah matahari. Semua itu diperhatikan oleh burung hud-hud tanpa tertinggal sedikitpun, dan ia jadikan sebagai bahan laporan untuk Raja Sulaiman.

Kembalilah burung hud-hud ke Sulaiman. Melihat burung hud-hud kelelahan akibat terbang dalam jarak jauh, Nabi Sulaiman pun menjulurkan tangannya sehingga burung hud-hud bisa hinggap di tangan Nabi Sulaiman. Beliau kemudian berkata,"Hai hud-hud, sampaikanlah laporanmu kepadaku!"

Kemudian burung hud-hud menceritakan semuanya dari mulai sang ratu membuka surat hingga mengumpulkan semua menterinya untuk membicarakan langkah apa yang akan diambil sehubungan surat Nabi Sulaiman tersebut. Sang ratu meminta saran yang terbaik dari para menterinya. Rupanya sang ratu merasa khawatir, bila Sulaiman beserta bala tentaranya akan menyerang negeri Saba. Untuk itu, Ratu Balqis berkeinginan untuk mengirimkan seorang utusan kepada Nabi Sulaiman sambil membawa hadiah-hadiah yang menarik. Mendengar cerita hud-hud, Nabi Sulaiman pun tersenyum.

Akhirnya utusan dari negeri Saba pun pergi ke kerajaan Sulaiman. Utusan itu disambut dengan ramah tamah oleh Nabi Sulaiman. Setelah mendengar uraian utusan itu, maka Raja Sulaiman pun berkata,"Kembalilah kamu dengan hadiah-hadiah ini kepada ratumu. Katakanlah kepadanya bahwa Allah telah memberiku rezeki dan kekayaan yang melimpah ruah dan mengaruniaiku nikmat yang tidak diberikan kepada makhluk-Nya yang lain. Selain itu aku telah diutus sebagai nabi dan rasul-Nya dan dianugerahi kerajaan yang luas serta kekuasaanku meliputi jin dan binatang-binatang."

Utusan Ratu Balqis segera kembali ke negerinya dan langsung menemui ratunya. Sementara sang Ratu terperanjat mendengarkan cerita tentang kerajaan Sulaiman dan utusannya. Diam-diam Ratu Balqis sangat ingin melihat dari dekat bagaimana kerajaan Sulaiman.Dalam hatinya ingin menaklukkan dan menguasai kerajaan itu.

Pada saat yang ditentukan, Ratu Balqis membawa laskarnya yang terpilih. Mereka berangkat menuju kerajaan Sulaiman. Sementara itu mata-mata kerajaan Sulaiman yang terdiri dari para jin memberitahukan kepada sang raja bahwa tak lama lagi Ratu Balqis akan datang bersama laskar pilihannya. Maka Raja Sulaiman mengumpul para jin dengan maksud memberi tugas penting.

"Siapa yang bisa memindahkan singgsana Ratu Balqis?" tanya Nabi Sulaiman. "Saya sanggup memindahkannya, sebelum Tuan berdiri dari tempat duduk,"jawab jin Ifrit. "Kalau saya sanggup memindahkannya sebelum mata Tuan berkedip," kata orang saleh dari kaum Nabi Sulaiman. Pada saat itu juga singgasana Ratu Balqis sudah berada di depan Nabi Sulaiman. Melihat hal itu, Nabi Sulaiman langsung bersungkur sujud dan bersyukur kepada Allah atas kekuasaan Allah yang telah diperlihatkan kepadanya.

Beliau pun memerintahkan bangsa jin untuk membangun sebuah istanaa yang sangat indah. Lantainya terbuat dari kristal bening. Dindingnya dari kayu cendana yang harum. Atapnya terbuat dari kaca sehingga cahaya matahari dapat dibiaskan menjadi tujuh warna. Beliau memerintahkan agar pembangunan istana itu diselesaikan sesegera mungkin sebelum Ratu Balqis datang.

Tak lama kemudian, tibalah Ratu Balqis di kerajaan Sulaiman. Ia menyarankan agar para laskar yang mengawalnya cukup berhenti di luar kota untuk menjaga hal-hal yang tidak diinginkan. Ratu Balqis hanya dikawal beberapa orang pembesar memasuki istana Raja Sulaiman. Ia benar-benar takjub dengan kemegahan dan kemewahan kerajaan tersebut. Berkali-kali mulutnya berdecak kagum dan kepala bergeleng-geleng. Ratu Balqis dipersilahkan duduk di singgasana yang telah dipersiapkan.

"Wah, rasanya seperti singgasana di kerajaanku?" gumam Balqis terkagum-kagum. "Benarkah?", tanya Raja Sulaiman. "Ya, ini benar-benar persis seperti singgasanaku."

"Ketahuilah bahwa singgasana ini memang benar-benar milikmu. Singgasana ini kupindahkan ke mari sebelum engkau datang," Nabi Sulaiman menjelaskan.
Ratu Balqis semakin heran dengan kemukjizatan Sulaiman. Akhirnya di saat itulah dia menyatakan beriman kepada Allah dan meninggalkan cara lama, yakni kebiasaan menyembah matahari.

Mendengar pernyataan ini, Raja Sulaiman senag hatinya. Ia lalu mengajak Ratu Balqis berkeliling-keliling istana. Lagi-lagi ratu dibuat takjub ketika memasuki lantai kaca yang dikiranya air, sehingga ia buru-buru mengangkat gamis (baju panjangnya).

"Tak usah mengangkat gamismu, ini bukan air, tetapi hanya lantai kaca" kata Sulaiman sambil tersenyum. Semenjak itulah antara kerajaan Saba dan kerajaan Sulaiman bekerja sama dengan baik, karena seiman/seagama. Ratu Balqis mengharuskan rakyatnya memeluk agama nabi Sulaiman Alaihis Salam (Islam). Akhirnya Ratu Balqis yang cantik itu pun diperistri oleh Nabi Sulaiman, dan kerajaan dijadikan satu.

Kamis, 05 Desember 2013

HIKAYAT KAOEM KEURABAT


=============================
Assalamu'alaikoem, nibak phoen rika,,
Saleum seujahtra, lam saboeh ikat,,
Saleum keurabat, tanda syedara,,
Saboeh agama, teumpat meuneumat,,

Saboeh hikayat, keunoe uloen ba,,
Saboeh ceulitra, dinanggroe arab,,
Kisah katreb that, jareung soe baca,,
Seun-seun sibanja, keunoe loen intat,,

Sideh di arab, teumpat mulia,,
Sinan keuh mula, nyata alamat,,
Dua droe sahbat, teumpat meubeda,,
Geu meu adoe A, kajeut keurabat,,

Di ureung 'ajam, ta'at agama,,
Geumeusyedara, ngeon ureung arab,,
Meunyoe keu ta'at, han soe ek kira,,
Bak sang ulama, cukoep malem that,,

Hana pre sa'at, ka'bah geulingka,,
Hana pre masa, dalam ibadat,,
Sabe geu tawaf, 'oeh malam jula,,
Al-Qur_an geubaca, teurasa ladzat,,

Nibak siuroe, hajat troeh teuka,,
U nanggroe lua (yaman), geu neuk beurangkat,,
Le ureung arab, geukeubah sigra,,
Meumeuh peurmata, bak sidroe sahbat,,

Dalam riwayat,singkat ceurita,,
Meuninggai donya, meunyan sahbat,,
U bak keurabat, ngoen keuluarga,,
Laju geuteuka, uroe nyan meuhat,,

Geutanyoeng legat, Meumeuh peurmata ,,
Yoeh goh u lua, watee beurangkat,,
Geukeubah dipat, wahe syedara,,
Mangat le sigra, keunan loen peurhab,,

Hana loen teupat, e yang mulia,,
Tan geubicara, y'oeh masa hayat,,
Laju meutat-tat, hate lam dada,,
Bathen keucewa, di ureung arab,,

Laju beurangkat, ubak ulama,,
Ureung mulia, dinanggroe arab,,
Yang cukoep hebat, sampoe nyoe masa,,
Malek bin dinar, wahe sahabat,,

Di ureung arab, haba geubuka,,
Laju ceurita, punca riwayat,,
Bak sidroe sahbat, geukeubah harta,,
Jinoe nyan hamba, woe bak Hadzarat,,

Bak guree (Malek) meuhat, jeunaweub haba,,
Geuyue le  teuka, bak saboeh teumpat,,
Malam jumeu'at, pah bak seper dua,,
Antara maqam Ibrahim, dan hajar aswad,,

Disinan teumpat, neumeuhoi sigra,,
Sahabat gata, yang tan le hayat,,
Bandum meusapat, roh yang mulia,,
Masa lam donya, hudep lam ta'at,,

Keunan bak teumpat, laju neu teuka,,
Neumeuhoi sigra, wahe e sahbat,,
'Oeh ban neu meuhoi, soe seuoet hana,,
Laju geugisa, bak guree meuhat,,

Wahe e guree loen,  yang that mulia,,
Keujeut meunoe ka, meucukoep gawat,,
Hana di teumpat, lagee ban haba,,
Meuhoe jinoe ka, uloen meuhadap,,

Seu oet diguree, seudeh leumpahna,,
Dalam nuraka, disinan teumpat,,
Laju neu peurap, u nanggroe lua (yaman),,
Sinan meudoda, meunyan roh sahbat,,

Na diteumpat, saboeh teulaga,,
Moen burhut nama, azeub cukeop brat,,
Sinan keu teumpat, roeh yang meudosa,,
Masa lam donya, hana toem ta'at,,

Di ureung arab, hireun jiteuka,,
Masa lam donya, sabe lam ta'at,,
Pakeon ka sahbat, azeub dirasa,,
Dalam teulaga, disinan teumpat,,

Dipat na silap, karoeh lam dosa,,
Dipat na cupa, dalam maksiat,,
Seugohlom tamat, beklei neu bungka,,
Seunamboeng rika, akan loen itat,,

Keubandum sahbat, lam donya maya,,
Bak laen masa, keunoe loen peurhap,,
Seunamboeng hikayat, keunoe uleon ba,,
Keu yang seutia, neupreh dang  tamat,,


Bak sidroe Hadzarat, teumpat loen pinta,,
Bak jeut peunawa, rika loen surat,,
Keu bandum sahbat, lam donya maya,,
Bak jeut mustika, ngoen na mamfaat,

Seunamboeng  haba , bagian keudua,,
Seun-seun sibanja, keunoe loen surat,,
Walaupun teulat, peusawat hana,,
Seunamboeng rika, teutap loen intat,,

U nanggroe yaman, beurangkat  sigra,,
Laju geu mita, lagee ban hajat,,
Geu meuhoi sahbat, 'oeh malam jula,,
Bak babah teulaga, meunan riwayat,,

Wahe e sahbat, dipat keuh gata,,
Keunoe ta teuka, uloen na hajat,,
Tateubiet siat, katreb loen mita,,
Sampoe loen teuka, keunoe bak teumpat,,

Laju di sahbat, geujaweub haba,,
Keunoe neu teuka, laju neu peurhab,,
Na loen diteumpat, seudeh leumpah na,,
Sabe lam siksa, bak jeut-jeut  sa'at,,

Leuh bak tungkat, keunoeng bak nuga,,
Apui nuraka, teutoeng leumpah brat,,
Ju ngeon utak, hana ngeon peusa,,
Azeub didonya, cukoep beda  that,,

Laju ban hajat, geutanyeong sigra,,
Kaloeng peurmata, takeubah dipat,,
Kahek loen seutoet, meureumpoek hana,,
Sampoe bak gata, keunoe loen peurab,,

Teuma na bacut, ganje bak mata,,
Keujeut digata, wahe e sahbat,,
Cukoep that  ta'at, watee lam donya,,
Pakeon jinoe ka, azeub cukoep brat,,

Laju di sahbat, geujaweub haba,,
Bacut  tan dusta, dalam riwayat,,
Walaupun teumpat, jinoe meubeda,,
Rakan seutia, peunoeh ngeon adab,,
Sideh loen keubah, dimeuyueb tangga,,
Masa lam donya, yoeh  gata intat,,
Bacut tan silap, meu ube cupa,,
Meusoe yang mita, hana diteupat,,

Hak keurabat, masa lam donya,,
Loen sia-sia, hai ureung arab,,
Neutuloeng siat, meu'ah neupinta,,
Keudeh lam desa, bak saboeh teumpat,,

Sinan meusapat, sidroe syedara,,
Loen saweu hana, masa katreb that,,
Tamse tan ubat, saket  treb that ka,,
Meunan umpama, dosa meukeumat,,

Huboengan wareh, jayeh bak mata,,
Huboengan syedara, tan le loen teupat,,
Tanle meusapat, adoe deungeon A,,
Loen kunjoeng hana, meunyan keuh seubab,,

Meunyoe ka meunan, lagee ban haba,,
Uloen woe sigra, kheun ureung arab,,
Keudeuh bak teumpat, loen balek gisa,,
Bak rumoeh gata, wahe e sahbat,,

Di ureung arab, izin geu pinta,,
Geu keumeung gisa, laju  u teumpat,,
Bak rumoeh sahbat, dimeuyueb tangga,,
Geucoek  le sigra, harta ka meupat,,

Manteong riwayat, didalam rika,,
Mantoeng ceurita, dalam hikayat,,
Watee meuhadap, wareh syedara,,
Keudeh lam desa, gampoeng ka meupat,,

Keu bandum sahbat, harap neu saba,,
Yang mantoeng seutia, sampoe  oh  tamat,,
Meu'ah nyoe teulat, loen kirem rika,,
Seumoga gata, hate beu mangat,,

Alhamdulillah , ilah bak hamba,,
Hana meudaya, dosa meusapat,,
Bak sidroe Hadzarat, do'a loen pinta,,
Seunamboeng rika, Neubri beu tamat,
,
Kana alamat, meupat ngeon desa,,
Laju neuteuka, keunan neu peurhap,,
Amanah sahbat, meu'ah geu pinta,,
Ubak syedara, sidroe keurabat,,

Ubena cupa, dosa yang ka-ka,,
Hana geuteuka, saweu keurabat,,
Seulama u arab, keudeh geubungka,,
Tinggai syedara, jeuoeh ngeon teumpat,,

'Oeh troeh bak teumpat, laju loen sapa,,
Keunoe troeh teuka, amanah sahbat,,
Keunoe loen peurhab, meu'ah geupinta,,
Kadang na dosa, Yoeh mantoeng hayat,,

Jinoe hana le, wahe syedara,,
Keurabat gata, woe bak Hadzarat,,
Teungoeh meularat, tuboeh anggota,,
Lam keunoeng siksa, sabe tiep sa'at,,

'Oeh ban geudeungeo, lagee ban haba,,
Cukoep that raya, geumoe leumpah brat,,
Jantoeng meu tat-tat, baten lam jiwa,,
Hana meudaya, dalam riwayat,,

Baroe keurabat, geubuka haba,,
Meunoe ceurita, dalam hikayat,,
Yoeh masa hayat, sahabat gata,,
Tanle geugisa, leupah u arab,,

Tanle geu peurap, ubak syedara,,
Kureung beulanja, hana soe intat,,
Hudep meularat, sinoe loen rasa,,
Meulang-lang buana, dalam tiep sa'at,,

Di ureung arab, murasa iba,,
Weuh lam dada, kaleon keurabat,,
Ngeon hate mangat, gujoek le harta,,
Keu peng beulanja, dengeon bloe ubat,,

Laju keurabat, seunang geurasa,,
Do'a geupinta,nibak  bak Hadzarat,,
Diureung 'ajam, bekle lam siksa,,
Ubena dosa, bekle meukeumat,,

Le ureung arab, izin geupinta,,
Neuk balek gisa, keudeh u teumpat,,
Bak saboeh sa'ah, 'oeh malam jula,,
Izin Allah Ta'ala, rahsia meuhat,,

Laju ngeon sahbat, meureumpoek teuma,,
Dalam rahsia, leumpoe di arab,,
Geukaleon sahbat, tanle geusiksa,,
Dalam syuruga, disinan teumpat,,

Dua sahabat, laju meuwa-wa,,
Haru lam jiwa, teurasa mangat,,
Ubak Hadzarat,do'a geupinta,,
Seulamat seujahtra, di ureung arab,,

Meunan riwayat, kitab loen buka,,
Seun-seun sibanja, rika hikayat,,
Bak jeut keu ubat, bandum syedara,,
Saboeh agama, teumpat meuneumat,,

Beuthat ibadat, cukoep that teuga,,
Silaturrahmi hana, reugoe leumpah brat,,
Kaoem keurabat, sambat mulia,,
Bak get tajaga, wahe e sahbat,,

Kadang na cacat, hikayat uloen ba,,
Maklum lam rika, goloem get teupat,,
Bak bandum sahbat, meu'ah loen pinta,,
Ikhlah lam dada, ngeon hate mangat,,

Langsoeng bak kitab, mangat neu baca,
Cukoep meurasa, bagah meureusap,,
Sinan yang teupat, bacut tan cupa,,
Jawaket neu buka, sinan meucatat,,
Mudas Al-Juned at Kuta Radja
05 Desember 2013

Komentar FB :