Oleh : SULAIMAN.A.GANI
====================================
Alhamdulillah, loen pujoe Tuhan
Yang laen
sit tan, yang loen peucaya
Hudep ngoen
mate, yang peuna peutan
Bandum buet
Tuhan, Azawajalla
Bandum lat batat,
peuneujuet Tuhan
Laen sidroe
tan, yang that kuasa
Yang peujuet langet, hana meutiang
Yang
peujuet Alam, ban sigoem Donya
Lhuehnyan
seulawuet, akan janjongan
Pang ule Alam, Rasul Mustafa
Rasul yang
Akhe, utusan Tuhan
Lhuehnyan laen tan, peutroen
Ambiya
Yang bri
Syafaat, sideh di Mizan
Laen sidroe tan, yang na seutia
Laen han geubri,
Izin le Tuhan
Illa janjongan,
saidil Ambiya
Assalammua’laikom, saleum loen tuan
Yang susoen
nazam, yang karang rika
Hajat
uloen bri, keu bandum Rakan
Inoeng ngoen Agam, Tuha ngoen Muda
Meupat mula
phoen, Asai Seumbahyang
Seureuta
kiban, meusoe po jeumba
Yoeh goeh Muhammad, Syariat seumbahyang
Yoeh Nabi Adam,
mula phoen kana
Le para Nabi,
pubuet seumbahyang
Si uroe simalam,
dua goe saja
Sigoeh
loem faja, mata uroe trang
Suboh hai rakan, sinan
keurija
Mata uroe loep, sigoeh loem malam
Meugreb hai
rakan, sinan keurija
Uloen bri dali,
mangat bek bimbang
Buka
Al-quran, neutuloeng baca
Surat
Al-Mukmin, surah di sinan
55 hai rakan, Ayat
neubaca
Loen boeh Areuti, mangat juet neupham
Meunoe hai rakan, hareutoe makna
“ Dan Bertasbihlah
seraya memuji Rabbmu pada waktu pagi dan petang “
Sigoeh loem Mikraj, jak tueng Seumbahyang
Si uroe
simalam, sit dua saja
Ohlhueh
geubuka, Mirbar Iseulam
Limoeng hai rakan, wajeb bak gata
Meunyang phoen suboh, dile lon peutrang
Meunyan keuh
Adam, yang phoen keurija
Wate neupeutroen, Adam le Tuhan
Seubab salahan, dalam
syuruga
Pajoeh boeh kuldi, tipee le syetan
Maka le Tuhan, peutroen u donya
Adam peukuto,
syuruga Tuhan
Ciret di Adam, ngoen Siti Hawa
Adam ngoen Hawa, use le Tuhan
Neupeutroen rijang, keunoe u donya
Nyan saboeh sahoe, pisah le Tuhan
Hawa ngoen Adam, meusapat hana
Kisah lon
singkat, ngat paneuk nazam
Meureumpoek Adam, ngoen siti
Hawa
Padang
Arafah, meureumpoek sinan
Padang Pertemuan, Areuti makna
Bak wate faja, rab akhe malam
Meurumpoek Adam, ngoen siti Hawa
Dua Rakaat, neusujud
Adam
Syukur keu Tuhan, meureumpoek Hawa
Meunyan mula phoen,
Seumbahyang Adam
Suboeh hai rakan, mula
pertama
Seumbahyang suboh, syariat Adam
Meunan hai rakan, dalam calitra
Seumbahyang Zuhur, jinoe loen peutrang
Ibrahim Alaihi salam, meunyang pertama
Wate qurbuen ,
neuyue le Tuhan
Nyan anuek badan, meu ismaila
Gantoe ngoen
Kibas, dudoe le Tuhan
Ibrahim masanyan, pujoe Rabbana
Neusujud syukur, neupujoe Tuhan
Meupuet hai rakan, rakaat keurija
Nabi Ibrahim, yang phoen kerjakan
Zuhur hai rakan, gobnya po jeumba
Meunyang keuh zuhur, tanyoe kerjakan
Syariat sinan,
mula pertama
Seumbahyang
Ashar , Supoe bagian
Deungoe hai rakan, uloen calitra
Nyan Nabi yunus,
yang po bagian
Asha hai rakan, goebnyan po jeumba
Yoeh masa yunus, meureuka Tuhan
Umat geutinggai,
seubab keucewa
Han jitem taubat, peurintah Tuhan
Yunus
geutinggai, hoe laen bungka
Yunus beurangkat,
tan izin Tuhan
Di dalam kapai, jeut
haro hara
Meugrak
teukeudi, neubri le Tuhan
Yunus di buang, lam laot raya
Ji uet le
eungkoet, yunus masanyan
Umat
neutinggai, izin jih hana
Nyan baro
sadar, salah ngoen Tuhan
Yunus masanyan,
langsoeng meudoa
Tuhan neukabul,
yunus pintakan
Peurintah
Tuhan, yue ulak sigra
Eungkoet di
ulak, yunus masanyan
Bak bineh pantai, sinan teuhanta
Ban sadar
yunus, langsoeng siuman
Yunus masanyan, lapar
dahaga
Sibak bak kayee, timoeh disinan
Yaqtin hai rakan, geuseuboet nama
Yunus
neupajoeh, meuboeh kayee nyan
Laju meuriwang,
jiwoe teunaga
Turoen
peurintah, sideh bak Tuhan
Yunus yue riwang,
nibak umatnya
Yunus
neugisa, gampoeng halaman
Umat
masanyan, jitem taubat ka
Deungoen keuluarga,
meusapat sinan
Syukur keu
Tuhan, pujoe Rabbana
Yunus neusujud, neupujoe tuhan
Meupuet hai
rakan, yunus keurija
Meupuet rakaat,
yunus seumbahyang
Meunyan keuh Asai, seumbahyang Asha
Pristiwa yunus,
neu abadikan
Baca hai rakan,
neusurah makna
Surat An-shafaat, dalam quruan
143-144 hai rakan,
Ayat neubaca
“ Kalaulah bukan dia yunus menyebut nama Allah (
ibadat) niscaya dia akan tetap Abadi dalam
perut ikan se umur dunia “
Nyoe Doa yunus, dalam pruet ikan
Neutueng hai rakan, juet keupeunawa
Cukoep mustajab,
wate susahan
Neubri le
Tuhan, leupas bak mara
Laa illa ha illaaha
anta subhanaka inni kuntum minal
dhalimin *( Tiada Tuhan selain Allah, “Maha suci engkau Tuhan
dan sesungguhnya saya ini orang sudah anianya terhadap diriku sendiri “
Seumbahyang Meugreb, jinoe loen peutrang
Meupat keuh asai, meusoe po jeumba
Nyan Nabi Isa, yang phone lakukan
Deungoe hai rakan, kiban calitra
Bani israil,
nibak masanyan
Beungeh hana ban , keu Nabi isa
Di keunuek bunuh, Isa
masanyan
Ngoen sekalian, sahabat dumna
Isa
hijriah, ngoen sahbat sajan
Atau hai rakan, geu meungembara
Sahbat teuka duek, ngoen kelelahan
Laju jipeusan,
bak Nabi Isa
Meunyoe bit beutoi,
nyan Rasul Tuhan
Tanyoe hai rakan, lapar dahaga
Tuloeng
neulake, keudeh bak Tuhan
Peutroen makanan, le
Tuhan gata
Isa
meudoa, lake bak Tuhan
Peutroen
makanan, dalam syuruga
Tuhan neukabul, ban permintaan
Neupeutroen rijang, makanan syuruga
Sigoe ngoen wahyu, Fireuman Tuhan
“ Sesungguhnya Ku turunkan makanan itu kepadamu
tetapi ingat barang siapa yang ingkar diantara kamu dikemudian hari, akan aku
siksa dengan siksaan yang belum pernah akau jatuhkan kepada orang orang yang
hidup di dunia ini “
Meunjeulang meugreb, nibak masanyan
Peutroen makanan, lezat that rasa
Isa ngoen
sahbat, pajoeh makanan
Kuasa Tuhan, sidroe
yang Esa
Isa bersyukur,
keupada Tuhan
Sujud masanyan,
meulhe goe saja
Seumbahyang meugreb, sinan keuh Asai
Isa hai rakan,
meunyang po jeumba
Loen singkat
haba, bek payang nazam
Hana goet rakan, payang calitra
Sampoe
troeh dudoe, bantuan Tuhan
Isa masanyan,
Tuhan peulara
Peu ek u langet, peurintah Tuhan
Dalam quruan, neutuloeng baca
Di dalam surat, Ali
Imran
55 hai rakan,
Ayat neubaca
Seumbahyang meugreb, kalhueh loen peutrang
Jinoe hai rakan, seumbahyang Isya
Supoe Syariat,
meunyan seumbahyang
Musa hai rakan,
meunyang po jeumba
Ohlhueh lapan thoen, geumbala sinan
Geubayue Mahar,
Anuek Saidina
Nyan anuek Syuib, Nanggroe Madian
Kalhueh hai rakan, kawen ngoen Musa
Hajat geupuwoe,
Nanggroe ma badan
Musa masanyan,
izin geupinta
Bak Nabi Syuib, nyan Ayah tuan
Geuneuk ba
sajan, judo tercinta
Oh teulhueh Izin, Musa
neuriwang
Ngoen judo
badan, Mesir neugisa
Na padum uroe,
lam perjalanan
Lam rimba Tuhan, Musa
neusapra
Neugrak
teukeudi, neubri le Tuhan
Musa masanyan,
sisat lam rimba
Reudoek
geulantue, malam supoet klam
Lam leumbah Sinai, tersisat Musa
Buket Thursina,
dudoe geupeunan
Musa disinan,
meuputa puta
Musa neukaloen, jiteubiet bintang
Cahya jeumerlang, saboeh that raya
Di sebelah lembah, cahya jemerlang
Seu akan akan, jimeuhoi Musa
Musa ka neujak, nibak
cahyanyan
Judo neutinggai,
siat kutika
Musa pih katroek, nibak cahyanyan
Neupiyoeh rijang, yueb kaye raya
Meunyan keuh kaye, Syajar geupeunan
Dudoe jiboeh nan, nyan Syajar Musa
Neupeutroen wahyu, nibak masanyan
Fireuman Tuhan, keupada Musa
Musa neu
angkat, keu rasul Tuhan
Meunoe hai rakan, Hareutoe makna
“ Wahai Musa Aku ini adalah Tuhanmu, maka itu
bukalah sepatumu karena sesungguhnya engkau
menjadi utusanku, sebab itu dengarkanlah baik baik apa yang Aku sampaikan kepadamu, tidak ada Tuhan selain aku. Sebab itu sembahlah
aku, dirikanlah shalat. Sesungguhnya kiamat pasti dating. Wahai musa lemparkan
tongkatmu.
Musa pih
neurhoem, tungkat masanyan
Meurubah rijang, juet ulue raya
Musa teumakoet, nibak masanyan
Fireuman Tuhan, neuteugur Musa
“ Jangan takut hai Musa. Sesungguhnya orang menjadi
utusanKu tidak boleh penakut.
Ambil kembali tongkatmu” musa mengambil tongkatnya.
Kemudian Allah menyuruh Musa untuk mengkepit
tongkat itu dalam ketiaknya, maka tangan musa putih bercahaya “Pangkulah
kedua tanganmu juika dalam ketakutan. Inilah dua mujizat dari Tuhanmu dan
sekarang pergilah dan hadapi Fira’un dan pengikutnya”
Cahya pih
gadoeh, Musa neupandang
Kuasa Tuhan, Sidroe yang Esa
Musa neusujud, Syukur
keu Tuhan
Meupuet hai rakan, cara keurija
Meupuet Rakaat, Neuseumbah Tuhan
Nibak watenyan, kutika
insya
Musa Awai phone, yang
pubuet meunan
Nibak watenyan, mula
pertama
Meunyan Syariat, cara
seumbahyang
Insya hai rakam,
Musa po jeumba
Meuka keuh habeh, Asai
Seumbahyang
Kalhueh loen peutrang, untuk sikada
Meunyoe na salah, peubeutoi rijang
Bek juet ngoen Tuhan, tanyoe meudosa
Nibak
ulama, jak tanyoeng rijang
Beutoi deungoen
han, ngat mupat punca
SULAIMAN.GANI, yang susoen
Nazam
Bukoen hai rakan, sidroe ulama
Hana sikula,
pasantren pih tan
Sit urueng Awam, eleume
hana
( Tgk Diyueb Bruek, 26
Nopember 2013 )
