Pages


Minggu, 08 September 2013

“RAKAAT SEUMBAHYANG WATE



  Oleh  : SULAIMAN.A.GAMI
==============================
Alhamdulillah, Allah lon Pujoe
Yang Po Alamnyoe, langet ngoen Donya
Udep ngoen mate, Bandum geutanyoe
Sit Allah Sidroe, yang that  kuasa

Seulawuet salaeum, Ohlhuehnyan dudoe
Nabi Geutanyoe, Rasul Mustafa
Yang ba risalah, ban sigoem bumoe
Syafaat dudoe, blang padang  masya

Assalamua’laikom, rakan sinaroe
Saleum bak lon nyoe, samboet le gata
Hajat lon tanyoeng, saboeh hareutoe
Meunoe ban bagoe, deungoe calitra

Na sidroe urueng, lhe droe  sambinoe
Hudep ngoen lakoe, dalam seujahtra
Meu untoeng untoeng, inoeng ban lhe droe
Hantoem si uroe, takalon subra

Teukeudi Tuhan , nibak si uroe
Di Tungku lakoe, laen keunira
Hajat geutaluek, dua  sambinoe
Ngat tinggai sidroe,  antara  tiga

Yang toeh geutaluek, ngat tinggai  sidroe
Karna ban lhenyoe, saban  seutia
Geumita cara,  salah sambinoe
Hana meusidroe, yang juet keu cupa

Dudoe  teupike, meunoe ban bagoe
Geuhoi ban lhe droe, yue duek  meubanja
Yoehnyan  geupeugah, khabaran  meunoe
Gata ban lhe droe,  saban  seutia

Hajat lon keubah, gata dua droe
Di Urueng lakoe, meunan  meuhaba
Pertanyaan saboeh, keu gata lhe droe
Tapi hai binoe, Jawueb  bek  sama

Yang  salah jawueb, yang tanyoeng lon nyoe
Meunyan keuh binoe, lon taluek tiga

Pertanyaan : Dalam si uroe simalam Seumbahyang wajeb padum rakaat  ??????

Inoeng yang tuha, di jawueb  meuhat
Tujoeh blah rakaat ( 17),  hai urueng  lakoe
Inoeng  keu dua, pih jawueb  leungat
Limoeng blah ( 15) rakaat, Wahe  tungku droe

Inoeng yang keu lhe, di seuot bagah
Di  ulon siblah ( 11 ), hai urueng lakoe
Ban lhe jih beutoi,  sidroe tan salah
Hanjuet geukeubah. Lage  geukira

Meupakoen beutoi, jawueb limoeng blah
Meupakon siblah, geupeugah  beuna
Tuloeng bri dali,  pakriban kisah
Neutuloeng surah, pakriban  makna

Pakriban muphoem, pakon limoeng blah
Meupakon siblah, salah jih hana
Ka beutoi ban lhe, sambinoe  peugah
Neutuloeng kisah,  Pakriban cara

Dilon tan muphoem, anuek miet mirah
Meuhat tujoeh blah, diloen yang  beuna
Jumlah yang laen,  lon peugah  salah
Astaufirullah, Rupaya  beuna

Meumada ohnoe, haba lon kisah
Tanyoeng sipatah, bak  kawoem dumna
Loen lake meuah, meunyoe na  salah
Ampon bak  Allah, bek juet keu dosa
( Tgk Diyueb Bruek, 9 September 2013 )

 Jawaban :
Inoeng Pertama  = 17  Rakaat = Insya 4,Suboh 2,Dhulur 4,Asar 4, Magrib 3
Inoeng Kedua     = 15 Rakaat  = Insya 4, Suboh 2, Jumat,2 , asar 4, magreb 3 =Hari
                                   Jumaat
Inoeng Ke Tiga   = !! Rakaat  = Insya 2, Suboh 2, Dhuhur 2, Asar 2, Magreb 3 =
                                   Sembahyang bagi musafir ( Jamak qasar )

Komentar FB :