” UREUNG YANG KEUKAL ,DALAM NURAKA”

   Oleh  : SULAIMAN.A.GANI

==============================================

UREUNG YANG KEUKAL ,DALAM NURAKA

DEUNGOEN SAUDARA, ULOEN BOEH MISEI

MEUNYAN KEUH URUENG,YANG POEH DROE KEUDROE

KA DEUNGOEN BEUSOE, KA SAMPE MATE

WATE TROEH HAT, OH UROE DUDOE

BEUSOE BAK JAROE, GEUTANYOE SABE

LAM KEUKAL SABE, WAHE E TAULAN

DALAM JAHANNAM, TEUBIET HANALE

UMPAMA LOEN BOEH , SABOEH TAMSELAN

DEUNGOE HAI TAULAN, ADUEN NGOEN ADEK

NA SIDROE UREUNG , WAHE  SAUDARA

DI GAMPOENG JANGKA, SIDEH GEUMUDEK

NAMA GEUPEUGAH, SINYAK MURTHADA

JAK MANOE SAFA, KUALA RUBEK

HINGGA MEURUMPOEK,NGOEN SIDROE DARA

OH TANGIENG RUPA, CUKOEP THAT CANTEIK

TEUMA OH DUDOE, KA JIMEUCINTA

AWAKNYAN DUA, ABANG NGOEN ADEK

PUTOEH NGOEN PAKAT,JIBEUDOEH JIWOE

KA U GAMPOENG DROE, LAJU JIBALEIK

OH TROEK U GAMPOENG, LAEN KEUNIRA

DI SINYAK DARA, LAEN PIH JI EK

TEUMA TEUPIKA , DI PO MURTHADA

UTAK MEUPUTA, ULE MEU ASEK

JIWOE U RUMOEH, SINYAK MURTHADA

JI EK LE SIGRA, U DALAM BILEIK

JICOEK PAKAIAN, SIGALA RUPA

BAJE NGOEN IJA, LAJU JITAREK

KA JICOEK SIKIN ,YANG TAJAM MATA

SAROENG JIBUKA, MATA JITAREK

JITROEN LE UYUB, SINYAK MURTHADA

JIDOENG LE SIGRA, RAB BINEIH PAREK

NIBAK MASANYAN. JITOEP DROE KEUDROE

LAJU TEUPIPOE, U DALAM PAREIK

MATE LAGENYAN, RAYA THAT DOSA

GEUSEUBOET NAMA, MATE MUSYUREK

ULOEN PEU INGAT, BAK KAWOEM MUDA

MEUBEIK LE GATA, MATE MUSYUREIK

BEK GARA INOENG, KA TAJAK POEH DROE

SEKSA OH DUDOE, INGAT HAI ADEK

( Tgk Diyueb Bruek/Sulaiman.A.Gani )