“TUNTUET ELEUME”
Oleh : SULAIMAN.A.GANI
========================================
PUJOE NGOEN SYUKUR, MEUWOE KEU ALLAH
PUJOE NGOEN SYUKUR, MEUWOE KEU ALLAH
NIKMAT NEULIMPAH, KEUNOE
NEUPEUTROEN
SEULAWEUT SALEUM, KEU RASULULLAH
YANG BA RISALAH, KEU BANDUM KAWOEM
NEUBRI TUHANKU, PIKIRAN LOEN GLAH
HAJAT LOEN PEUGAH, KEU SABOEH HUKOEM
TUNTUT ELEUME ,BEK NEUPUEBEU `AH
BUKOEN KIFAYAH ,TAPI I`N HUKOEM
NABI NEUWASIET, MEUNOE BAN ULAH
NEUBRI PEURINTAH, KEU BANDUM KAWOEM
HUKOEM MEUNUNTUT, WAJEB NEUPEUGAH
ATEUH MUKALLAF, KA TEUDOENG HUKOEM
TUNTUT ELEUME , NABI NEUPEUGAH
KA NEUPEURINTAH, SEUJAK LAM AYOEN
SAMPOE LAN JEURAT , TAWOE BAK ALLAH
MANTOENG PEURINTAH ,TUNTUT HAI KAWOEM
LAM HADIS LAEN ,SABDA NEUPEUGAH
MEUNOE BAN ULAH, NEUCUBA PUPHOEM
U NANGGROE CINA , GEUYUE MEULANGKAH
ELEUME ALLAH , YUE TUNTUT BANDUM
LE
URUENG TUHA, PIH NA NEUPEUGAH
PUSAKA NANG BAH, PIH GEUYUE JUNJOENG
MEUNOE BAN BUNYI, DALAM PEUPATAH
DEUNGOEN LOEN PEUGAH, BEK SALAH MUPHOEM
PAJAN SIT MASA, BOEH TIMOEN TAPLAH
MEUKOEN WATE GRAH,
OH UROE TUTOENG
PAJAN SIT MASA ,TANYOE MEUNUNTUT
YOEH MASA UBEUT , NA URUENG TULOENG
BUKOEN LE SAYANG, EUNGKOET KHAN
KAPAH
KA ALOEH ALAH, DALAM
IE RACOEN
YOEH MASA UBEUT ,MANTOENG MA NGOEN YAH
ADAK NAFAKAH, NA
URUENG TULOENG
OLEH SEUBNYAN,RAKAN MEUTUAH
BEUDOEH TALANGKAH, MEUNUNTUT
LANGSOENG
MALEM BAK JAK
BUET, KITAB TA SURAH
DUM HUKOEM ALLAH, TANYOE KA MUPHOEM
KITAB BAJURI, NGOEN KITAB
FIKAH
BEUJUET TASURAH, MASALAH HUKOEM
KIFAYATUL ULAM ,DEUNGOEN BUDAYAH
MASALAI PIH SAH, TAUHID BEU MUPHOEM
KITAB TASAWOUH, NGOEN KITAB YANNAH
TROEK KITAB TUFAH , MAHLI PIH
MUPHOEM
BEUHABEH KITAB, BEUJEUT TASURAH
MANGAT BEK SALAH, ATURAN HUKOEM
BUKOEN THAT SAYANG, SI JEUMPA MIRAH
CABEUNG KA PATAH, GEUMPA PEU AYOEN
WAJEB MEUNUNTUT, OHNOE LOEN PEUGAH
SINGOEH LAEN BAH , GEUTANYOE SUSOEN
(Tgk,Diyueb bruek ) Iraq, 18 April
2012
0 komentar:
Posting Komentar