skip to main |
skip to sidebar
“ PEUKONG AQIDAH “
SULAIMAN.A.GANI
====================================
Ca’e
ulon nyoe, Haba Peu Ingat
Keu dro phon meuhat, teunte utama
Keu rakan – rakan, serta sahabat
Geulantoe nasehat, seusama syedara
Peukong Aqidah, lam hate meuhat
Aliran sisat, bek rhoh digata
Hatee bek na brok, juga khianat
Dudoe geu tempat, dalam nuraka
hatee beu ikhlas, dalam ibadat
Keupada hadharat, nawaitu gata
Sembahyang limong, pubut beuteupat
Meubek na ilat, watee keurija
Aneuk peureumoh, beuna peu ingat
Nyang keuh amanat, Tuhan keu gata
Raja ngon Rakyat, beu sapeu pakat
Beuna mufakat, bak peugot neugara
Meunyo na aneuk si bintang takat
Leubeh – leubeh that, usia muda
sabee peu ingat, pubuet ibadat
Pakaian meuhat, neu atoe beuna
That paloe jinoe, rab rata jeut tempat
Pakaian keutat, di aneuk dara
Meunyo hansoe tham, seurta peu ingat
mandum meukarat, oh katroek bala
Ayah ngon Poma wahe e sahbat
Nyan keu phon–phon that, seubagoe WH
Aneuk peurumoh, didek beupah that
Bak buet maksiat, izin neuh bejna
Eleume Agama, pasoe beuceupat
Ateuh nasehat, jideungoe beuna
Pergaulan bebas, nyan bhya that–that
Di sinan sahbat, punca cilaka
Meumada oh noe, narit Peu Ingat
Peu meu'ah meuhat, kadang na gasa
Wahe e rakan, taulan dan sahbat
Ingat Peu Ingat, peurintah Agama
(Tgk Diyueb Bruek )
0 komentar:
Posting Komentar