LAPAN THOEN TSUNAMI

SULAIMAN.A.GANI

================================

Deungoen Bisminlah,, U Loen  Mulai

Loen Pujoe Rabbi, Yang Po Kuasa

Seulaweut Saleum, Akan Rasuli

Pang Ule Nabi, Saidil Ambiya

Salam alaikom, Saleum u loen bri

Putra ngoen Putri,Tuha ngoen Muda

Samboet Saleum loen,Ayah Ngoen Ummi

Hajat loen Rawi, Aceh Mulia

Geunab Lapan Thoen, Aceh Tsunami

Dipeuringati, Meuhat Sikada

Sideh Lam Pu uk, Pileh Lokasi

Oleh Teuruki, Peungoet Acara

Peudana Meuntroe, Keunoe Troek  ili

Keunang Keumbali, Tsunami Geumpa

Jak Bri Bantuan, Korban Tsunami

Ngoen Jak Reseumi, Rumoeh Sikula

Dumnan Seutia, Nanggroe Teuruki

Bantuan Jibri,  Aceh Mulia

Jibalah Jasa, Masa Yoeh Lawi

Aceh Teuruki, Sang Sang Saboeh Bapa

Sang Adoe Aduen, Nyan Saboeh Ummi

Meunan Meunyuem Hi, Takaloen Rupa

Iskandar Muda,  Jameun yoeh Lawi

Ngoen Nanggroe Teuruki, Hubungan Geuba

Hubungan Dagang, Lada Ngoen Kupi

Yoeh Masa Lawi,  Dile Koen Kana

 Sampoe Oh Jinoe, Takaloen Dali

 Aceh Teuruki, Lage Syedara

Astaufirullah, Lidah Meuputie

Ka Salah Rawi, Kalam loen  Rika

Aceh lapan  Thoen, Ohlheuh Tsunami

Loen Puwoe  Rawi, Supaya Meubak

 Seuramoe Meukah, Ohlheuh Tsunami

Goeh loem Allah Bri,  Hudep Seujahtra

Dakna Bantuan, Habeh Dikropsi

Mantoeng Peungungsi, Hudep Lam Tenda

Mantoeng Bak Barak, Tinggai Peungungsi

Kareuna Kropsi, Kajeut Budaya

Teugoran Tuhan, Deungoen Tsunami

Mantoeng Sit Kropsi, Meuraja Lela

Bak Bagi Rumoeh, Jatah Peungungsi

Disinan Kropsi, Meuleupah Raya

Untuk  Saudara, Lhe Boeh Dibagi

Untuk Peungungsi, Seb Saboeh Saja

Padahai Saban, Korban Tsunami

Pakoen Bak Bagi, Jatah Meubeda

Na Uzubillah, Kaloen Peugah Kri

Ya Allah Neubri, Peutuyoek Hamba

Le That Hikeumah, Yangka Allah Bri

Ohlheuh Tsunami,  Aceh Mulia

Yang Phoen Kadame, Gam Deungoen R.I.

Sideh Helsinki, Di Filandia

Dua Pilkada, Nyangka Allah Bri

Hana Terjadi, Dakwi Ngoen Dakwa

Lhee UUPA,  Aceh Ka Jibri

Bangun Keumbali, Aceh Mulia

Jinoe Gubernur, Geuduek Pak Zaini

Geuboeh ngoen Waki, Mualem Nama

Aceh Tabangun, Lagi Yoeh Lawi

Yue Hapus Kropsi,Bek Jeut Budaya

Iskandar Muda, yoeh saboeh lawi

Yoh Masa Mufti,  Syiah kuala

Meumada ohnoe, haba lon rawi
Hikayat Tsumami. Ulon calitra

Tgk Diyueb Bruek/24-12-2012)