LAKE TSUNAMI-2

Oleh : Sulaiman.A.GANI

====================================

Pujoe ngoen Syukur, Muwoe keu Rabbi

Yang Maha Suci,  Sidroe Yang Esa

Seulaweut Saleum , Oh lheuhnyan lagi

Pang ule Nabi , Khatam Ambiya

Salam a`laikoem, Saleum Uloen bri

Keu Yah ngoen Ummi ,Duson ngoen kuta

Samboet Saleum loen ,Tanda Meuturi

Hajat loen Rawi , Saboeh Mustika

U loen bri Judul  ,Lake Tsunami

Seubab bak Dali ,Takaloen nyata

Oh Wate Malam  ,Neujak Kumisi

Muda ngoen Mudi, Peugoet Dalupa

Bak bineh jalan , Atoe  kurusi

Meja Meuriti , Jiep  kaka cola

Seumbahyang Meugreb ,han dipeuduli

Muda ngoen mudi,  Asyik Meucinta

Troek Teungoeh Malam, Sinan Meuriti

Pajoeh Seurabi , Cane Hindia

Pajoeh Hamberger,  Ruti Itali

Meusingklet Gaki  ,Sira Meuwa wa

Sang lakoe Binoe  ,Bak eu Dali

Meunan Meuyuem hi ,Takaloen Rupa

Sideh Blang Padang,  Neujak Kumisi

Seureuta Lagi  ,Dikeu   BAPPEDA

Phoen Simpang Limoeng ,Dikeu Kentaki

Sinan Mulai  Troek,Simpang Mesra

Bak Jalan laen , Pih na  Kurusi

Muda ngoen Mudi , Mepesta pora

 

Meubuet Lagenyan , Hansoe Atasi

Hansoe Peuduli ,Larang Agama

Syariat Islam,Hana Areuti

Dum nan  Tsunasmi ,Mantoeng Goeh loem jra

Sidumnan Bala  ,Geubri Tsunami

Matoeng Sit Asi ,Peugoet Dalupa

Keu Ma ngoen Ayah, Wasiet Uloen Bri

Putra ngoen Putri, Beugoet Neujaga

Meunyoe Lagenyan, Mantoeng Terjadi

Lake Tsunami ,Kali Keu Dua

Puteing Beuliong, Kadang Sit Geubri

Atawa Lagi, Geulungkoep Donya

Han pue Ta Undang, Bala Bak Rabbi

Han pue Ta uji, Tapubuet Dosa

Hanpue Talake, Meunyoe Buet Keuji

Sit ka Meuseuti ,Azeub Rabbana

Bek Gara Sidroe ,yang Pubuet Keuji

Bala Bak Rabbi ,Bandum Tarasa

Sidroe Pubuet Broek , Kutoek Bak Rabbi

Bala Am Geubri , Meukheun Saidina

Aceh Ka Maksiet,  O Ya  Ilahi

Peutuyoek Neubri,  O Ya Rabbana

Kada Peu Ingat,Kaseb  uloen Bri

Sulaiman.Gani , Ube na Daya

(TgkDiyuebbruek)tgl 29 Mai 2012