Pages


Rabu, 06 Maret 2013

“INGKAR SUMPAH



  OLEH : SULAIMAN.A.GANI
==========================================
Assalammua’laikom, Warahmatullah
Saleum Muidhah, Bacut  ulon ba
Saleum ulon bri, suot  beubagah
Keu Ingkar  Sumpah, ulon  Calitra

Sibeurangkasoe, yang ingkar  sumpah
Laknat bak Allah, meuganda  ganda
Oh uroe dudoe, nuraka  geukeubah
Yang ingkar sumpah, teurimoeng siksa

Dalam Quruan, Tuhan  neupeugah
Meulanggar Sumpah, Dosa  that Raya
Dua  boh Dosa, Raya  Meuleupah
Langsoeng  Neubalah, Sinoe lam  Donya

Meudosa laen, singoeh  neubalah
Makamah Allah, Blang Padang Masya
Keuphoen  Durhaka, keudua  Sumpah
Langsoeng neubalah,  Sinoe  lam  Donya

Neupeutroen Kutoek, budoek  le Allah
Meulanggar  sumpah,  buet  Manusia
Wate  lon Ingat, Teumakoet  leupah
Ingat keu sumpah, yoeh  saboeh  Masa

Ngoen  ie  Seumbahyang , tanyoe  meusumpah
Haruem  tapeugah, Tabek  Bendera
Tanyoe berjuang, Kareuna  Allah
Aceh  Tapeusah,  Bumoe  Merdeka

Quran bak jaroe,  Wate  Meusumpah
Lam  Rumoh  Allah, Biat  Seutia
Dalam  meuseujid, dicoeng  Meunasah
Tanyoe  meusumpah, Suci  Anggota

Tanyoe  Meujanji, ka deungoen  Allah
Ta  lapai Sumpah, Bersama  sama
Meujinoe  Pakri, Meulanggar  Sumpah
Preh  Kutoek  Allah, Neupeutroen  Bala

Neubri  Tuhanku, Beuneupeusiblah
Kifarat Sumpah, ngoen  bayue  Hana
Salah  Peumimpin,  Urueng  Peusumpah
Yang  langgar sumpah, pih nyan  pertama
( Tgk Diyueb Bruek , 6 Desember   2012 )











 

0 komentar:

Posting Komentar

Komentar FB :