“HAROEH TA UDEP, WAJEB TA MATE “

   Oleh : SULAIMAN.A.GANI

======================================

Dengan Bisminlah, lon puphoen kalam

Lon pujoe Tuhan,  Awai  ngoen  Akhe

Seulawuet saleum , atueh janjongan

Pang ule  Alam,  Rasul  yang  akhe

Lhuehnyan saluem lon , keu bandum  rakan

Dalam Grup Nazam, panton  ngoen  cae

Sinoe  dari  lon, saboeh  sualan

Deungoe  hai rakan, ulon  tapuese

Firman  Tuhan, dalam  Quruan

Geutanyoe  insane, wajeb  ta mate

Tiep tiep meunyawoeng, neukhuen  le Tuhan

Wajeb  hai  rakan, geutanyoe  mate

Tgk.Diyueb bruek, bacut  sualan

Pue keuh na  jalan, mangat  bek  mate

Neutuloeng  jawueb, ngoen  penjelasan

Neubri  alas an, hukom  agama

Meunyoe sit hanjuet, jawueb  sualam

Bak ma neuh rijang, keudeh  neugisa

Keudeh bak tungku, neupakat  rijang

Tanyoeng  sualan, pakriban  cara

Hoe  saleum nanggroe, ngoen Banta  sajan

Sinyak  ilham, Thian  syalala

Nyak  Agam sidroe,  Airi  safrijal

Jawueb  sualan, tayoeng  kakanda

Cayank Adinda,  sanun  pih meunan

Adi  pih  meunan, Gitulhoh  nama

Dan laen laen, dalam  grup Nazam

Lon  preh  jawaban, bandum  bak  gata

Tgk diyueb bruek, jinoe  duek  teunang

Preh  preh  jawaban, bak  gata dumna

Kupue  sukula, tajak   S8   ( Lapan )

Kupue  bak  rakang,  meuleumak  gata

Ohnoe  meumada, saboeh  sualan

Tajawueb rijang, bek syok syok  sangka

Bak  kulet  kitab, meunyan  sualan

Keubiet  that bagai, meuhanjuet  gata

( Tgk.Diyueb bruek )

 “Jawaban: Haroh ta udep,wajeb ta mate”

================================

Ngoen  izin  Allah, lon bri jawaban

Firueman Tuhan, Hadis  maulana

Meunoe muphoem lon, neucuba ci  pham

Lon  bri  alasan,  hukom  agama

Cara  bek mate, meunoe  alasan

Syahid  dalam prang, bela  Agama

Bek ta khuen mate, urueng  lagenyan

Meunan peuneusan,  Hadis  maulana

Padahai  udep, sit  pinah  alam

Gisa  bak  Tuhan, tamoeng  syuruga

Budia dari, yang  seudang  seudang

Khazam  urueng nyan,tiep  suntoek  masa

Dalam  syuruga, meuseunang  seunang

Deungoen  den dayang, meusuka  ria

Ie  krueng  Kalkausar, Syuruga  lapan

Pue  na  bantahan,  cuba  peunyata

( Tgk,Diyueb bruek )

“Saleum nanggro “

Lee that ka ta Ee, Para Syuhadah
Jiteubit darah, bela agama
Oh takueh kubu, Mandum mantong cidah
Gukee & Oek meutamah, lagee biasa

Takeun kamatee, Allah hudep geupeugah
Baci neu surah, Surat Ali Imran teuma
Sunggoh bahgia, meuninggai lam Jihad Fi Sabilillah
Allah geubalah, Nikmat meuseulinya

Allah Ta'ala berfirman:

وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ فَرِحِينَ بِمَا آَتَاهُمُ اللَّهُ مِنْ فَضْلِهِ وَيَسْتَبْشِرُونَ بِالَّذِينَ لَمْ يَلْحَقُوا بِهِمْ مِنْ خَلْفِهِمْ أَلَّا خَوْفٌ عَلَيْهِمْ وَلَا هُمْ يَحْزَنُونَ

"Janganlah kamu mengira bahwa orang-orang yang gugur di jalan Allah itu mati; bahkan mereka itu hidup di sisi Tuhannya dengan mendapat rezki. mereka dalam keadaan gembira disebabkan karunia Allah yang diberikan-Nya kepada mereka, dan mereka bergirang hati terhadap orang-orang yang masih tinggal di belakang yang belum menyusul mereka, bahwa tidak ada kekhawatiran terhadap mereka dan tidak (pula) mereka bersedih hati." (QS. Ali Imran: 169-170)