HABA MEUTAPEUSE “

Oleh “ Sulaiman.A.Gani

===========================

Loen boeh ranuep, dalam cupe,

Gapu gambe ,pihna sinoe
pineueng teuplah ,pih ka ase,

tapajoeh le, bek dilee neuwoe

neudeungoe bacut, loen meu cae,

loen meurawe, saboeh bagoe
neuboeh makna, ngoen tafeuse,

saboeh mise, neupham keudroe

yoeh saboeh jan, sideh lam gle,

tarek awe ka luet asoe

ta useuha, beuna hase,

watee akhe, payah tamoe

kameudarah, jeuet keu kude,

han puleh le, ta eu bagoe
rata dokter, peu ubat le,

hana hase, brat meupaloe

jeuet2 dukoen ,jak rajah le,

dirui sabe, prueh2 bak asoe
pakoen meunoe, djeuet meukude,

peue buet pari gle ,yg peu paloe

hana daya ,abeh pike,

ka meukude, malee djinoe
pajan puleh ,hai boeh hate,

nyoe ban kude, cukoep paloe

ka meuploeh, thoen duroe awe,

troek lam hate, djeuet keu seungkoe
dak djeuet tajak, loem keudeh lam gle,

peureudee awe, ta pluek sidroe

ragoe mantoeng, ta chaphoek gle,

tan na awe ,yg ta puwoe
awe puteh ,meuheuet koen le,

djeuet ta rante ,macam bagoe

 

djeuet ta peugoet ,ban kheuen hate,

nyoe meuhase ,awe ta puwoe
tapi jinoe, soe loem pike,

awe mate ,soe tem pakoe

soe loem kaloen ,sideh lam gle,

kadang tanle ,soe tem pluek duroe
bah pih meunan, hai boeh hate,

awe lam gle ,bek tuwo jinoe

bak pih saket, ka meukude
awe lam gle, beu ek tapuwoe
beudjeuet, ta tarek bak pageue tarante,

lhee sagoe le ,pageue jinoe

bek le di tamoeng, bui meurante
bah tapike, sabe keudroe droe
bah beurangkajan ,dalam hete,

bek meurawe .bek meupaloe

teutap timoeh .dlm hate,

keumeuhase ,sabe ta pakoe
dak beu luka, meukude re,

teutap payah ta pikel hajat beu sampoe.
( Tgk Diyueb Bruek )